અમેરિકા જઈને પૈસા કમાઈ લેવાનું સપનું હોય તો આ રિપોર્ટ જોઈ લેજો આંખો ખૂલી જશે

અમેરિકાનાં એક થિંક ટૈંક અનુસાર H-1B વીઝાધારકોને મોટે ભાગે ખરાબ કામકાજી હાલતમાં કામ કરાવવામાં આવે છે અને તેઓની સાથે દુર્વવ્યહારની આશંકા બની રહે છે. થિંક ટૈંકે ગુરૂવારનાં રોજ આ વિશે જાણકારી આપતા જણાવ્યું કે તેઓનાં વેતનમાં સંતોષજનક વૃદ્ધિ કરવા જેવાં સુધારાની વિશેષ માંગ કરી.

'સાઉથ એશિયા સેન્ટર ઓફ ધ એટલાંટિક કાઉન્સિલ'એ પોતાનાં એક રિપોર્ટમાં વીઝાધારકોને માટે કામનાં હાલત સારા બનાવવા અને તેઓને જરૂરી રોજગાર અધિકાર આપવાની પણ વિશેષ માંગ કરી.

આ રિપોર્ટ તાજેતરમાં જ અમેરિકી રાષ્ટ્રપતિ ડોનાલ્ડ ટ્રમ્પ દ્વારા આપવામાં આવેલ નિવેદન બાદ આવેલ છે. જેમાં ટ્રમ્પે જણાવ્યું હતું કે તેઓ જલ્દીથી એવાં સુધાર કરવા જઇ રહ્યાં છે કે જેનાંથી H-1B વિઝાધારકોને અમેરિકામાં રોકાવું અને નાગરિકતા હાંસલ કરવાનાં સરળ રસ્તાનો ભરોસો મળશે.

ટ્રમ્પે ગયા શુક્રવારનાં રોજ ટ્વિટ કર્યુ હતું કે 'અમેરિકામાં H-1B વીઝા ધારક વિશ્વાસપાત્ર હોઇ શકે છે પરંતુ જલ્દીથી એવા ફેરફાર કરવામાં આવશે કે જેનાંથી આપે અહીં રોકાવામાં ખૂબ સરળતા રહેશે. આ સાથે જ અહીંની નાગરિકતા લેવાનો માર્ગ પણ ખુલી જશે. અમે પ્રતિભાશાળી અને ઉચ્ચ કક્ષાનાં લોકોને અમેરિકામાં કેરિયર બનાવવા માટે પ્રોત્સાહન આપશે.'

આ રિપોર્ટ હૉવર્ડ વિશ્વવિદ્યાલયનાં રોન હિરા અને સાઉથ એશિયા સેન્ટર ઓફ ધ એટલાન્ટિક કાઉન્સીલનાં પ્રમુખ ભરત ગોપાલસ્વામીએ તૈયાર કરી છે. રિપોર્ટ અનુસાર વર્તમાન વ્યવસ્થાથી ન તો માત્ર અમેરિકીઓને નુકસાન થાય છે પરંતુ આનાંથી H-1B કર્મીઓ સાથે દુર્વવ્યહાર થવાની આશંકા પણ સેવાઇ રહેલ છે.

રિપોર્ટમાં કહેવામાં આવ્યું છે કે "H-1B કર્મી ઓછાં વેતન પર કામ કરી રહેલ છે તેઓનાં ઉત્પીડનની આશંકા બની રહે છે અને તેઓની માટે કામનાં હાલત પણ ઠીક નથી. ઉચિત અધિકાર મળવાથી ન તો તેઓનાં જીવનમાં ફેરફાર થશે પરંતુ આનાંથી અમેરિકી કર્મીઓને પણ ઉત્તમ સુરક્ષા મળશે."