તમે કાશ્મીરની ડલ ઝીલમાં તરતા બોટ હાઉસને જોયુ હશે. કાં તો તેના વિશે વાંચ્યુ હશે કે સાંભળ્યુ હશે. પણ શું તમે કોઈ ગામ કે એવો સમુદ્ર વિશે સાંભળ્યુ છે જે હંમેશા પાણીમાં જ રહે છે. તમે કહેશો આવુ કેવી રીતે થઈ શકે. પણ તમને જાણીને નવાઈ લાગશે કે ચીનમાં એવુ એક શહેર છે જે બહારની દુનિયા સાથે કોઈ સંબંધ દરાવતુ નથી. અહીંના લોક 24 કલાક પાણીમાં જ રહે છે.
ચીનના આ શહેરનું નામ નિંગડે સિટી છે. જેની એક વસ્તી હંમેશા પાણીમાં તરતી રહે છે અને તે 1300 વર્ષ જૂની છે. અહીં અત્યારે 8500 લોકો રહે છે. અહીં રહેનારા તમામ લોકો માછીમારો છે જેમને કિ ટાંકા કહેામાં આવે છે. આ સમુદાયના લોકો નાવ પર પોતાનું ઘર બનાવીને રહે છે અને માછીમારી કરે છે. જેનાથી તેમની આજીવિકા ચાલે છે.
ઘણા વર્ષો પહેલા ટાંકા જાતિના લોકો અત્યાચારિ શાસકોથી દુખી થઈને સમુદ્ર કિનારે આવી ગયા હતા. પરિવારને બચાવવા માટે માછીમારોએ ધીરે-ધીરે નાવ પર પોતાનું ઘર બનાવી લીધુ હતું. જ્યારે પણ મુશ્કેલી આવે ત્યારે તેઓ પોતાની નાવને સમુદ્રથી દૂર લઈ જતા હતા.
દક્ષિણ પૂર્વ ચીનમાં આ માછીમારોના પરિવાર હજુ પણ પરંપરાગત રીતે નાવના મકાનોમાં રહે છે. જે હંમેશા સમુદ્રમાં તરતા રહે છે માટે ટાંકા જાતિના લોકોને 'જિપ્લીઝ ઓફ ધ સી' પણ કહેવામાં આવે છે. આ લોકો ન તો ક્યારે કિનારા પર આવે છે ન તો સમુદ્રની બહાર વસતા લોકો સાથે કોઈ વ્યવહાર રાખે છે.