IPL 2019 ટૂર્નામેન્ટ થોડા દિવસોમાં પૂરી થઇ જશે, ત્યારે સ્ટેડિયમમાં બેસીને મેચ જોનારાઓનું ગમે ત્યારે નસીબ બદલાઇ શકે છે. IPL 2019ની સિઝનની છેલ્લી 2 મેચ બાકી છે. પરંતુ દર્શકો માટે હજુ પણ ઇનામો જીતવાની તક છે. જી હા, આવુ જ કંઇક મેચમાં 2000 રૂપિયાની ટિકિટ લઇને મેચ જોવા માટે પહોંચેલા એક છોકરા સાથે થયું.
વાસ્તવમાં દિલ્હી કેપિટલ્સ અને સનરાઇઝર્સ હૈદરાબાદ વચ્ચે રમાયેલી મેચમાં એક છોકરાએ રિષભ પંતનો શૉટ એક હાથથી કેચ પકડ્યો. એક હાથે કેચ પકડનારને IPL ના સ્પોન્સર્સ ઈનામ આપે છે.
જે દર્શક બેટ્સમેને ફટકારેલા બોલનો એક હાથે કેચ પકડે છે એમને ઈનામ મળે છે જે 1 લાખનુ હોય છે. બુધવારે જ્યારે દિલ્હી કેપિટલ્સ અને સનરાઈઝર્સ હૈદરાબાદ વચ્ચે મેચ યોજાઇ ત્યારે આ મેચની બીજી ઇનિંગ્સમાં દિલ્હી ટીમના ખિલાડી રિષભ પંતે ભુવનેશ્વરની ઓવરમાં સિક્સર ફટકારી. 90 મીટર લાંબી આ સિક્સરમાં બોલ મિડ ઑફ સાઇડ સ્ક્રિન પાસે પડ્યો હતો. જ્યાં એક દર્શકે આ કેચ પકડી લીધો અને તે પણ એક જ હાથે.
છ વર્ષ બાદ દિલ્હી અને ચેન્નઈની ટક્કર આ વખતે જોવા મળશે. આ ટૂર્નામેન્ટમાં ચેન્નાઇની ટીમનુ ફોર્મ સારુ રહ્યુ છે. વર્ષ 2012ની IPL ટૂર્નામેન્ટના ક્વોલિફાયર રાઉન્ડમાં આ બંને ટીમની ટક્કર જોવા મળી હતી. જેમાં દિલ્હીની ટીમનો પરાજશ મળ્યો હતો. આ વખતે ધોની દિલ્હીની ટીમ પર ભારે પડી શકે છે. દિલ્હીની ટીમનું ફોર્મ પરફોર્મન્સ ચેન્નાઇ કરતા થોડું નબળુ છે. ચેન્નઈ સામેના 20 મેચમાંથી દિલ્હીને છ મેચમાં જીત મળી છે. આ વખતેની મેચમાં પણ ધોનીની ટીમ જીતી હતી.