જોખમી સ્ટંટ / ગુરૂગ્રામમાં નબીરાઓ બેફામ: ચાલુ કારે પુશઅપ મારતો VIDEO વાયરલ થતા પોલીસ થઇ દોડતી, બાદમાં શીખવ્યો એવો પાઠ કે...

• ગુરુગ્રામમાં નબીરાના સ્ટંટનો વીડિયો વાયરલ
• કારની છત પર નબીરાએ પીધો દારૂ
• નબીરાની ધરપકડ કરવા પોલીસની કાર્યવાહી શરૂ

સોશિયલ મીડિયામાં અવારનવાર બાઈક અને કારમાં સ્ટંટ કરતા વીડિયો વાયરલ થતા હોય છે. તેમજ છેલ્લા કેટલાક સમયથી હથિયાર સાથે રોડ પર ફરતા લોકોના વીડિયો પણ સામે આવી રહ્યા છે. આવા સ્ટંટ કરનારા પોતે તો અકસ્માતનો ભોગ બને જ છે સાથે અન્ય વાહનચાલકોને પણ મોતના મુખમાં ધકેલી દે છે, ત્યારે રાજધાની દિલ્હીને અડીને આવેલા ગુરુગ્રામથી એક વીડિયો વાયરલ થયો છે. જેમાં એક યુવક કારની છત પર બેસીને પુશઅપ મારી રહ્યો છે, જ્યારે અન્ય યુવકો કારની બારીમાંથી લટકીને બૂમો પાડી રહ્યા છે. વીડિયો વાયરલ થયા બાદ ગુરુગ્રામ પોલીસે કાર માલિકને 6 હજાર 500 રૂપિયાનો દંડ પણ ફટકાર્યો છે. 

પોલીસે હાથ ધરી શોધખોળ
સાથે જ પોલીસે આ શખ્સોની શોધખોળ હાથ ધરી છે. કહેવામાં આવી રહ્યું છે કે આ વીડિયો ગુરુગ્રામના સાયબર હબ વિસ્તારનો છે. વીડિયોમાં જોઈ શકાય છે કે એક યુવક અલ્ટો કારની છત પર બેસીને દારૂ પી રહ્યો છે. જ્યારે અન્ય યુવકો કારની બારીમાંથી લટકીને બૂમો પાડી રહ્યા છે.

This insedend happened was Last night recorded by famous YouTuber please verify and take action @gurgaonpolice
No - HR 72F6692@PoliceHaryana @TrafficGGM @DGPHaryana pic.twitter.com/AZL0Gp8cfZ

— Nikhil PhadTare -Deshmukh🚩🇮🇳 (@nikhil9296) May 30, 2023

જીવના જોખમે ચાલુ કારે પુશઅપ લગાવી રહ્યો છે યુવક
એક યુવક કારની છત પર પુશઅપ લગાવી રહ્યો છે. યુવાનો એટલા નશામાં છે કે તેઓને પોતાનો કે અન્ય રાહદારીઓના જીવની પરવા નથી. આ દરમિયાન માર્ગમાં અકસ્માત પણ થઈ શકે છે. પરંતુ કારમાં બેઠેલા યુવકોને માત્ર પોતાની મસ્તીમાં લાગેલા છે. 

અન્ય રાહદારીઓએ વીડિયો બનાવીને કર્યો વાયરલ
પાછળ કાર ચલાવી રહેલા કેટલાક લોકોએ તેમનો વીડિયો બનાવીને સોશિયલ મીડિયા પર વાયરલ કર્યો, જે પોલીસ સુધી પહોંચ્યો અને પોલીસની ટીમે તાત્કાલિક કાર્યવાહી કરી. વીડિયોના આધારે પોલીસે પ્રથમ અજાણ્યા શખ્સો સામે ગુનો નોંધ્યો. તેમણે કારની નંબર પ્લેટના આધારે કાર માલિકને 6 હજાર 500 રૂપિયાનો મેમો ફટકાર્યો છે. તો પોલીસે આ યુવકોની શોધખોળ પણ હાથ ધરી છે.  

સ્ટંટ કરનારા આરોપી વિરુદ્ધ કાર્યવાહી હાથ ધરીઃ ACP વરુણ દહિયા
ગુરુગ્રામમાં નબીરાના સ્ટંટનો વીડિયો વાયરલ થયા બાદ ક્રાઈમ બ્રાન્ચના ACP વરુણ દહિયાનું નિવેદન સામે આવ્યું છે. તેઓએ જણાવ્યું કે, આ વાયરલ થયેલો વીડિયો 2 દિવસ પહેલાનો છે. પોલીસને સોશિયલ મીડિયાના માધ્યમથી આ ઘટનાની જાણ થઈ હતી. ટ્રાફિક પોલીસે સ્ટંટ કરનારા આરોપી વિરુદ્ધ કાર્યવાહી શરૂ કરી છે. હરેશ નામના વ્યક્તિએ કારમાં સ્ટંટ કર્યો હતો.