દિલ્હીને અડીને આવેલા ગુરૂગ્રામમાંથી એક અનોખો કેસ સામે આવ્યો છે. અહીં પોલીસ વિભાગને એવી વસૂલી ગર્લની ધરપકડ કરવામાં સફળતા મળી છે, જે ડેટીંગ એપ દ્વારા નવયુવાન યુવકોને પ્રેમજાળમાં ફસાવી પહેલા તેની સાથે શારીરીક સંબંધ બનાવતી હતી અને પછી શરૂ કરતી હતી બ્લેકમેલિંગ અને વસૂલીનો ખેલ.
પોલીસે ગુરૂગ્રામમાંથી વસૂલી ગર્લની કરી ધરપકડ
ડેટીંગ એપ દ્વારા નવયુવાન યુવકોને પ્રેમજાળમાં ફસાવતી હતી
શારીરીક સંબંધ કેળવ્યાં બાદ શરૂ કરતી હતી બ્લેકમેલિંગ
20 વર્ષિય યુવતીની કરાઈ ધરપકડ
આ મહિલા યુવકો વિરુદ્ધ પોલીસમાં ખોટી ફરિયાદની વાત કહી લાખો રૂપિયા ખાતી હતી. ગુરુગ્રામ એસીપી ક્રાઈમ પ્રીતપાલ સિંહ મુજબ, ન્યુ કોલોની પોલીસે આ 20 વર્ષિય યુવતીની ધરપકડ કરી નેક્સેસનો ભાંડાફોડ કર્યો છે. આ આખી રમતમાં ધરપકડ કરાયેલી યુવતીની માતા અને તેના સાથીને પણ સામેલ કરાયા. જો કે હાલ પોલીસ તપાસમાં જોડાઈ ગઈ છે.
ડેટિંગ એપ દ્વારા યુવકોને ફસાવતી હતી
યુવતીની જાળમાં ફસાયેલા પીડિતે જણાવ્યું કે ગત 20 ઓગષ્ટે તે ડેટિંગ એપ દ્વારા યુવતીને મળ્યો. યુવતીએ તેને ફસાવ્યો. તેની સાથે શારીરીક સંબંધ માણ્યા અને 23 ઓગષ્ટે યુવકને મજબૂર કરી તેની સાથે લગ્ન કર્યા. એટલું જ નહીં, આ યુવતીએ કેટલાંક અન્ય યુવકોને યોજના અપનાવીને સોશિયલ મીડિયા અથવા પછી ડેટિંગ એપ દ્વારા ફસાવી તેની સાથે શારીરીક સંબંધ માણ્યા. ત્યારબાદ તેઓને બ્લેકમેલ કરીને તેની પાસેથી પૈસા વસૂલ્યા.
7 યુવકોની સામે નોંધાવ્યાં દુષ્કર્મના કેસ
પોલીસ રેકોર્ડ મુજબ, આરોપી યુવતીએ આખા વર્ષમાં કુલ 7 યુવકોની સામે રાજેન્દ્રા પાર્ક, ન્યુ કોલોની, થાના સિટી, થાના સદર, સેક્ટર 10, સિવિલ લાઈન્સ, ડીએલએફ ફેજ-1 અને સાયબર ક્રાઈમ પોલીસ સ્ટેશનમાં દુષ્કર્મના કેસ નોંધાવ્યાં છે.