સાઇબર સિટી ગુરુગ્રામમાં પોલીસ કર્મચારીઓ ઝડપથી કોરોના વાયરસની ઝપેટમાં આવી રહ્યા છે. ગુરુગ્રામમાં હવે 13 પોલીસ કર્મચારીઓની રિપોર્ટ કોરોના પોઝિટિવ આવી છે. કોરોનાથી પોઝિટિવ આવેલા 12 જવાનોને પોલીસ સ્ટેશનમાં તહેનાત કરાયા હતા. એક સાથે આટલી મોટી સંખ્યામાં પોલીસ કર્મચારીઓના પોઝિટિવ આવ્યા બાદ વિસ્તારમાં હડકંપ મચી ગયો છે.
ગુરુગ્રામમાં હવે 13 પોલીસ કર્મચારીઓ કોરોના પોઝિટિવ
દિલ્હી પોલીસના કુલ 310થી વધારે પોલીસ કર્મચારીઓ કોરોનાથી પોઝિટિવ આવ્યા
ગુરુગ્રામમાં આ પહેલા પણ હરિયાણા પોલીસના 4 જવાન કોરોના પોઝિટિવ આવી ચૂક્યા છે. જેમની સ્પેશિય કોવિડ હોસ્પિટલમાં સારવાર ચાલી રહી છે. એ ખાસ નોંધ કરવા જેવી વાત છે કે લૉકડાઉન 4.0 માં મળેલી છૂટ બાદ સાઇબર સિટીમાં સતત કોરોના સંક્રમણના કેસ વધી રહ્યા છે. આ સ્થિતિ એટલા માટે ચિંતાજનક છે કેમકે પોલીસના જવાન ફ્રન્ટ લાઇનના કોરોના વોરિયર્સ છે.
જ્યારે દિલ્હી પોલીસમાં કોરોના વાયરસનું સંક્રમણ થમવાનું નામ લઇ રહ્યું નથી. દિલ્હીમાં વધુ એક એસએચઓ કોરોના વાયરસથી પોઝિટિવ જોવા મળ્યા છે. તેઓને હોસ્પિટલમાં દાખલ કરાયા છે. જ્યારે એસએચઓ કોરોના પોઝિટિવ આવ્યા બાદ 6 પોલીસ ક્રમચારીઓને પણ ક્વૉરન્ટીન કરાયા છે.
દિલ્હી પોલીસના 310થી વધારે પોલીસ કર્મચારીઓ અત્યાર સુધીમાં કોરોનાથી પોઝિટિવ આવ્યા છે. તેમાંથી 100થી વધારે પોલીસ કર્મચારી સ્વસ્થ થઈ ચૂક્યા છે. જ્યારે એક પોલીસ કર્મચારીનું કોરોનાથી મોત થયું છે.