કોંગ્રેસના વરિષ્ઠ નેતા ગુરૂદાસ કામતનું લાંબી બિમારી બાદ નિધન

નવી દિલ્હી: મહારાષ્ટ્ર કોંગ્રેસના વરિષ્ઠ નેતા ગુરૂદાસ કામતનું નિધન થઇ ગયું છે. તેો 63 વર્ષના હતા. કામતે દિલ્હીની ચાણક્યપુરી સ્થિત પ્રાઇમસ હોસ્પિટલમાં અંતિમ શ્વાસ લીધા. તેઓ પૂર્વની મનમોહન સિંહની સરકારમાં વર્ષ 2009થી 2011ની વચ્ચે કેન્દ્રીય રાજ્ય મંત્રી રહ્યા હતા. કામતનો જન્મ 5 ઓક્ટોબર 1954માં થયો હતો. તેઓ એક વખત મુંબઇ-નોર્થ વેસ્ટથી અને 4 વખત મુંબઇ નોર્થ ઇસ્ટ સીટથી સાંસદ રહ્યા.

જાણવા મળી રહ્યું છે કે એ છેલ્લા ઘણા સમયથી બિમાર હતા અને એમની સારવાર દિલ્હીની હોસ્પિટલમાં કરવામાં આવતી હતી. કામત ઓલ ઇન્ડિયા કોંગ્રેસ કમિટીના મહાસચિવ અને કોંગ્રેસ વર્કિંગ કમિટીના સભ્ય રહ્યા. ગુરૂદાસ કામત ગુજરાત અને મહારાષ્ટ્રના પણ પ્રભારી રહ્યા. 

Senior Congress leader Gurudas Kamat passes away in a hospital in Delhi. pic.twitter.com/7FI0WLJTFk

— ANI (@ANI) August 22 2018

કામતે 1972માં વિદ્યાર્થી નેતાના રૂપમાં પોતાના રાજકીય કરિયરની શરૂઆત કરી. 1976માં એમને રાષ્ટ્રીય વિદ્યાર્થી સંઘના મુંબઇ યૂનિટના અધ્યક્ષ નિયુક્ત કરવામાં આવ્યા.