પંજાબ / ગુરુદાસપુરમાં અંગત અદાવતમાં ખેલાયો ખૂની ખેલ, ગોળીબારીમાં 4 લોકોના મોત, 2 ઘાયલ

• ઘટના ગુરુદાસપુરના બટાલાના બલ્લરવાલ ગામમાં બની 
• ગોળીબાર થતા 4નાં મોત થયા અને 2 ઘાયલ થયા
• પ્રેમ વિવાહને લઈને 2 પક્ષોમાં ખટરાગ વધ્યો હતો

ગુરુદાસપુરમાં ગોળીબાર થતા 4નાં મોત થયા અને 2 ઘાયલ થયા 

પંજાબન ગુરુદાસપુરમાં થયેલા ગોળીબારમાં 4 લોકોના મોત થયા છે. આ ઘટનામાં અન્ય 2 લોકો ઘાયલ થયા છે.  મનાઈ રહ્યું છે કે આ ગોળીબારી અંગત દુશ્મનાવટને લીધે થઈ હતી.  જેના કારણે ચાર લોકોનો જીવ ગયો હતો. ગોળીબારના સમાચારથી સમગ્ર વિસ્તારમાં ચકચાર મચી ગઈ હતી.

ઘટના ગુરુદાસપુરના બટાલાના બલ્લરવાલ ગામમાં બની 

ઉલ્લેખનીય છે કે આ ઘટના ગુરુદાસપુરના બટાલાના બલ્લરવાલ ગામમાં બની છે. આ બે જૂથોની અંગત અદાવતે હિંસક રુપ ધારણ કર્યુ હતુ. જોત જોતામાં ફાયરિંગ શરુ થઈ ગયુ અને ચાર લોકોની લાશ પડી હતી. આ ગોળીબારમાં જસબીર સિંહ, બબંદીપ, મંગલ અને સુખવિંદરનું મોત થયું હતુ.

 4 લોકોના હત્યાનો ગુનો નોંધી પોલીસે કાર્યવાહી શરુ કરી

ફાયરિંગની આ ઘટનામાં વધુ  2 લોકો ઘાયલ થયા હતા જેમણે હોસ્પિટલ દાખલ કરવામાં આવી છે.  આ ગોળીબારી કાંડથી વિસ્તારમાં ખળભળાટ મચી ગયો છે. લોકોમાં ભય ફેલાયો છે. 4 લોકોના હત્યાનો ગુનો નોંધી પોલીસે કાર્યવાહી શરુ કરી છે.

પ્રેમ વિવાહને લઈને 2 પક્ષોમાં ખટરાગ વધ્યો હતો

જાણકારી મુજબ પાકિસ્તાનની સીમાથી અડીને ગુરુદાસપુર જિલ્લાના બટાલામાં કથિત રીતે પ્રેમ વિવાહને લઈને 2 પક્ષોમાં ખટરાગ વધ્યો હતો. જેના કારણે આ ઘટના ઘટી હતી.