હિંસક હુમલો / લખનઉ બાદ પંજાબમાં પણ પિટબુલે કર્યો બાળક પર હુમલો, માસૂમનો કાન તોડી ખાધો

• લખનઉ બાદ પંજાબમાં પિટબુલ અટેકની ઘટના આવી
• માસૂમ બાળક પર પાલતૂ કુતરાએ હુમલો કરી દીધો
• સ્કૂટર પર જતાં બાળકનો કાન તોડી ખાધો

પંજાબના ગુરદાસપુરમાં પણ લખનઉ જેવી ઘટના સામે આવી છે. અહીં 13 વર્ષિય એક બાળક પર પિટબુલે હુમલો કરી દીધો હતો. સારી વાત એ છે કે, આ અટેકમાં બાળકનો જીવ બચી ગયો છે. પણ આ માસૂમ ગંભીર રીતે ઈજાગ્રસ્ત થયો છે. તેને બટાલાની હોસ્પિટલમાં ભરતી કરાવ્યો છે, જ્યાં તેની સારવાર ચાલી રહી છે. 

જિલ્લાના કોટલી ભામ સિંહ વિસ્તારમાં 13 વર્ષિય ગુરપ્રીત સિંહ પિતા સાથે સ્કૂટર પર જઈ રહ્યો હતો. ત્યારે રસ્તામાં પિટબુલે તેના પર હુમલો કરી દીધો હતો. માસૂમ ગુરપ્રીત સ્કૂટરથી નીચે પડી ગયો હતો. જે બાદ પિટબુલે તેનો કાન તોડી ખાધો હતો. પણ પિતાએ જેમ તેમ કરીને પોતાના જીવની બાજી લગાવી દિકરાને કુતરા પાસેથી છોડાવ્યો હતો. તો વળી પિટબુલનો માલિક ઘટનાસ્થળેથી કુતરાને લઈને ઘરે ઉપડી ગયો હતો. જો કે, હાલમાં આ ઘટનાને લઈને પોલીસમાં કોઈ ફરિયાદ નોંધાવામાં આવી નથી. 

ઘાયલ બાળકના દાદી હરદીપ કૌરનું કહેવુ છે કે, તેમનો દિકરો અને પૌત્ર કોઈ કામથી સ્કૂટર પર બીજા ગામ જઈ રહ્યા હતા. રસ્તામાં એક શખ્સ પિટબુલને લઈને લટાર મારવા નિકળ્યો હતો. જેવું તેમનું સ્કૂટર ત્યાંથી પસાર થયું. પિટબુલ તેમને જોઈને ભસવા લાગ્યો હતો અને સ્કૂટર તરફ દોડવાની કોશિશ કરી હતી. 

માલિકના હાથમાંથી ચેન છૂટી ગઈ અને કુત્તરાને બાળકનો પગ પકડી લીધો. તેનાથી બાળકો સ્કૂટર પરથી નીચે પડી ગયો અને આ દરમિયાન પિટબુલે સીધું બાળકના કાન પર હુમલો કર્યો. તેને બાળકના કાનને તોડી નાખ્યો. આ જોઈને પિતાએ ડંડો લઈને કુતરાને ત્યાંથી ભગાડી મુક્યો, નહીં તો બાળકનો જીવ બચી શકત નહીં.

પિટબુલે લીધો વૃદ્ધ મહિલાનો જીવ

આપને જણાવી દઈએ કે, ઉત્તર પ્રદેશની રાજધાની લખનઉના કેસરબાગ વિસ્તારમાં પણ ગત 12 જૂલાઈના રોજ પાલતૂ પિટબુલ કુતરાએ એક 80 વર્ષિય મહિલા પર હુમલો કર્યો હતો, જેમા આ મહિલાનું મોત થઈ ગયું હતું. આ કુતરાએ મહિલાના પેટમાં માંસ અલગ કરી નાખ્યું હતું. આ દરમિયાન મહિલા ઘરે એકલી હતી. જેમનો જિમ ટ્રેનર દિકરો જિમમાં ગયો હતો. મહિલાના પતિનું પહેલા જ મોત થઈ ચુક્યું છે. મૃતક સુશીલા ત્રિપાઠી કેસરબાગના બંગાળી ટોળા વિસ્તારમાં પરિવાર સાથે રહેતી હતી.