VIDEO / રાજકોટની કિશોરીએ સરકારને રોકડું પરખાવ્યું-‘તમારાથી કંઈ ન થતું હોય તો કહી દો, અમે જાતે અમારું રક્ષણ કરીશું’

• રાજકોટમાં યુવતીઓને હથિયારનું લાયસન્સ આપવા રજૂઆત
• યુવતીઓ દ્વારા કલેકટરને આવેદન આપી કરી રજૂઆત  
• વધતી દુષ્કર્મની ઘટનાને લઈ યુવતીઓ દ્વારા કરાઇ માંગ

નોંધનીય છે કે,  આ આવેદનપત્રમાં લખવામાં આવ્યું હતું કે, સમગ્ર રાજકોટ શહેરના અલગ અલગ વિસ્તારમાંથી અમે જાગ્રત મહિલાએ ભારતના બંધારણે આપેલા અધિકાર મુજબ બંદૂક, ગન, રિવોલ્વર રાખવાના લાઈસન્સ અમારા સ્વરક્ષણ માટે આપવા માગ કરીએ છે. 

સરકાર અમારું રક્ષણ ન કરી શકે તો અમે જાતે કરીશું અમારું રક્ષણ

તો આવેદનપત્ર આપવા ગયેલી એક કિશોરીએ મીડિયા સમક્ષ પોતાનું નિવેદન આપતા સરકારને રોકડું પરખાવ્યું હતું. તેણીએ કહ્યું કે, સરકાર અમારું રક્ષણ નથી કરી શકતી તો કહી દે, તો અમે જાતે જ અમારું રક્ષણ કરીશું. તેણીના આ નિવેદનનો વીડિયો પણ વાયરલ થઇ રહ્યો છે. 

મને કાયદાના પાઠ ન ભણાવશો: કિશોરી 

આ સાથે જ એક કિશોરીએ તો એમ પણ જણાવ્યું હતું કે, મને કાયદાના પાઠ ન ભણાવશો. હું એ કોમમાંથી આવું છું, જેણે કાયદા બનાવ્યા છે. હું મારા સ્વભિમાન સાથે જીવીશ, નહીંતર મોતને મીઠું કરીશ.