રણવીર સિંહ અને આલિયા ભટ્ટ સ્ટારર 'ગલી બૉય' બોક્સ ઑફિસ પર સતત કમાણી કરી રહી છે. ઝોયા અખ્તરના ડિરેક્શનમાં બનેલી ફિલ્મે શરૂઆતના 2 દિવસમાં જ 32.50 કરોડની કમાણી કરી દીધી હતી. ફિલ્મે ગુરુવારે 19.40 કરોડનો બિઝનેસ કર્યો અને શુક્રવારે 13.19 કરોડની કમાણી કરી. રિપોર્ટ્સ અનુસાર ફિલ્મના બિઝનેસમાં શનિવારે ફરી વધારો થયો.
#GullyBoy dips in metros [marginal] and mass circuits/Tier-2 cities [maximum] on Day 2... Day 3 [Sat] and Day 4 [Sun] should witness substantial growth at metros [target audience]... Strong *extended* weekend on cards... Thu 19.40 cr Fri 13.10 cr. Total: ₹ 32.50 cr. India biz.
દેશભરમાં કુલ 3350 સ્ક્રીન્સ પર રિલીઝ કરાયેલી 'ગલી બૉય' શનિવારે 17.50 કરોડનો બિઝનેસ કર્યો. જોકે હજુ સુધી કોઇ સત્તાવાર આકંડા આવ્યા નથી. જાણકારી અનુસાર ફિલ્મ મેટ્રો સિટીઝમાં વધારે સારી ચાલી રહી છે.રણવીર સિંહ માટે અત્યારે જબરદસ્ત સમય ચાલી રહ્યો છે.
ડિસેમ્બરમાં રિલીઝ થયેલી એની ફિલ્મ ‘સિમ્બા’એ બોક્સ ઓફિસ પર 250 કરોડ રૂપિયાની જબરદસ્ત કમાણી કરી હતી. સિમ્બા રણવીરની પહેલે દિવસે સૌથી વધુ કમાણી (રૂ. 20 કરોડ) કરનારી ફિલ્મ હતી. જ્યારે ગલી બોયે 19.40 કરોડ રૂપિયાની કમાણી કરતાં તે રણવીરની બીજી હાઈએસ્ટ ઓપનિંગ મેળવનારી ફિલ્મ બની છે.
બીજી બાજુ આલિયા ભટ્ટ માટે પણ ગલી બોય એની કરિયરની સૌથી વધુ ઓપનિંગ મેળવનારી ફિલ્મ બની છે. એની છેલ્લી ફિલ્મ ‘રાઝી’ એની કરિયરની સૌથી વધુ કમાણી કરનારી ફિલ્મ હતી જેણે ડોમેસ્ટિક બોક્સ ઓફિસ પર રૂ. 123 કરોડની કમાણી કરી હતી.