ફિલ્મ 'આઈ એમ કલામ' માટે નેશનલ એવોર્ડ જીતનારા અભિનેતા હર્ષ માયર હવે સિંગલમાંથી મિંગલ થયા છે. 25 નવેમ્બરે અભિનેતાએ પોતાની લૉગ ટાઈમ ગર્લફ્રેન્ડ સુકન્યા રાજનનો હંમેશા માટે હાથ પકડી લીધો છે.
અભિનેતા હર્ષ માયર હવે સિંગલમાંથી મિંગલ થયા
અભિનેતાએ પોતાની લૉગ ટાઈમ ગર્લફ્રેન્ડ સુકન્યા સાથે કર્યા લગ્ન
પ્રશંસકોએ કપલને ભરપૂર શુભેચ્છાઓ આપી
અભિનેતા હર્ષ માયરે દુલ્હન સાથે વેડીંગ ફોટો શેર કરી
કપલ એકબીજા સાથે સાત જન્મોના બંધનમાં બંધાઈ ગયા છે. આ દરમ્યાન હર્ષે પોતાની દુલ્હન સાથે એક વેડીંગ ફોટો શેર કરી છે, જેને જોયા બાદ પ્રશંસકો તેમને ખૂબ શુભેચ્છા આપી રહ્યાં છે. પોતાના ઈન્સ્ટાગ્રામમાં લગ્નની ફોટો શેર કરીને હર્ષ માયરે કેપ્શનમાં લખ્યું, અમારો સાથ હંમેશા માટે છે, હમણા-હમણા લગ્ન થયા છે !
આ ફોટામાં દુલ્હન સુકન્યા તેના પતિના ગાલ પર કિસ કરી રહી છે. આ દરમ્યાન સુકન્યા ગુલાબી રંગના લેંઘામાં અતિ સુંદર લાગી રહી છે. ગોલ્ડન જ્વેલરીથી તેણે લુકને કમ્પલીટ કર્યુ છે. તો હર્ષ પણ ઑફ વ્હાઈટ શેરવાનીની સાથે પિન્ક મેચ કરીને પરફેક્ટ દેખાઈ રહ્યો છે. પ્રશંસકો કપલની આ તસ્વીરને ખૂબ લાઈક કરી રહ્યાં છે અને કોમેન્ટ કરીને કપલને લગ્નની હાર્દિક શુભેચ્છા પણ આપી રહ્યાં છે.
ઉલ્લેખનીય છે કે હર્ષ માયરે ફેમિલી ડ્રામા વેબ સીરીઝ 'ગુલ્લક'માં મિશ્રા પરિવારના નાના પુત્રનુ પાત્ર ભજવ્યું છે. ગુલ્લકની ત્રણેય સીરીઝમાં હર્ષે એક સ્કૂલ જતા છોકરાના પાત્રમાં દર્શકોનુ દિલ જીત્યુ છે. વર્ષ 2011માં રીલીઝ થયેલી ફિલ્મ આઈ એમ કલામમાં તેમણે લીડ રોલ નિભાવ્યો. જેનાથી તેમને ઘણી ઓળખ મળી.