આયુષ્માન ખુરાના અને અમિતાભ બચ્ચનની ફિલ્મ 'ગુલાબો સિતાબો'ની રિલીઝ ડેટ સામે આવી ચૂકી છે. આ ફિલ્મ થિયેટર્સમાં નહીં પણ ઓનલાઈન પ્લેટફોર્મ પર રિલીઝ કરવાનો નિર્ણય લેવામાં આવ્યો છે અને તેની રિલીઝ ડેટની પણ જાહેરાત કરી દેવાઈ છે.
અમિતાભ અને આયુષ્માનની ફિલ્મ 'ગુલાબો સિતાબો'ને લઈને આવ્યા મોટા સમાચાર
ઓનલાઈન પ્લેટફોર્મ એમેઝોન પ્રાઈમ પર રિલીઝ થશે ફિલ્મ
'ગુલાબો સિતાબો'ના ડિરેક્ટર શૂજિત સરકારની ફિલ્મ એમેઝોન પ્રાઈમ પર 12 જૂનએ રિલીઝ કરવામાં આવશે. આ વિશે એમેઝોન પ્રાઈમ વીડિયો ઈન્ડિયાએ પોતે ટ્વિટ કરીને જાણકારી આપી છે અને લખ્યું છે કે, આ 12 જૂનએ તૈયાર થઈ જાઓ ફિલ્મ 'ગુલાબો સિતાબો'ના વર્લ્ડ પ્રીમિયરના ફર્સ્ટ ડે ફર્સ્ટ શો માટે. એવું કહે છે કે, અલગ-અલગ પ્રકારના લોકો એકબીજાથી આકર્ષિત થાય છે પરંતુ આ લોકોના કેસમાં ખરાબ કરવા માટે.
This June 12 join us first-day first show for #WorldPremiereOnPrime of Gulabo Sitabo!
— amazon prime video IN (@PrimeVideoIN) May 14, 2020
આયુષ્માન આ નિર્ણયથી ખુશ નથી
તમને જણાવી દઈએ કે, 'ગુલાબો સિતાબો' ઓનલાઈન રિલીઝ કરવાની વાત પર આયુષ્માન ખુશ નહોતો. સ્પોટબોયની રિપોર્ટ મુજબ, જ્યારે ડિરેક્ટર સૂજિત સરકાર અને પ્રોડ્યૂસર રોની લાહિરીએ ફિલ્મને થિયેટર્સની જગ્યાએ ઓનલાઈન રિલીઝ કરવાનો નિર્ણય લીધો તો ફિલ્મના એક્ટર્સથી પણ વાતચીત કરવામાં આવી હતી અને આયુષ્માન ખુરાનાએ અસંમતિ જાહેર કરી હતી. આયુષ્માન ઈચ્છતો હતો કે આ ફિલ્મ થિયેટર્સમાં રિલીઝ થાય.
જોકે, કોરોના મહામારીને કારણે બધાં મેકર્સ બિઝનેસ ચલાવવા આ નિર્ણય લઈ રહ્યાં છે અને 'ગુલાબો સિતાબો' માટે મેકર્સને સારી રકમ ઓફર કરવામાં આવી છે. મલ્ટીપ્લેક્સમાં રિલીઝ થનારી આ ફિલ્મ માટે બહુ મોટું અમાઉન્ટ મળ્યું છે, કારણ કે ફિલ્મમાં આયુષ્માન અને અમિતાભ જેવા દિગ્ગજ સ્ટાર્સ છે.
તમને જણાવી દઈએ કે, 'ગુલાબો સિતાબો' એક ડ્રામા કોમેડી ફિલ્મ છે. આ ફિલ્મ જૂહી ચતુર્વેદીએ લખી છે અને રોની લાહિરીએ ડિરેક્ટ કરી છે. આયુષ્માન અને અમિતાભ ફિલ્મમાં મુખ્ય ભૂમિકામાં જોવા મળશે.