આક્ષેપ / ગુજકોમાસોલમાં ભાવનાબેન નથવાણી બોગસ ડિરેક્ટર બન્યાનો આરોપ લાગતા ખળભળાટ, જાણો શું છે મામલો?

• ગુજકોમાસોલમાં ભાવનાબેન નથવાણી બોગસ ડિરેક્ટર બન્યાનો આરોપ 
• ભાવનાબેન નથવાણી નથી ખેડૂત નથી કે દ્વારકાના રહેવાસી પણ નથી
• ભાવનાબેનની મંડળી પાસે ઓછા શેર હોવા છતાં ડિરેક્ટર બન્યાનો આરોપ
   

ગુજકોમાસોલ ( GUJCOMASOL )માં દ્વારકા જિલ્લામાંથી ગુજકોમાં ડાયરેકટર પદે ભાવનાબેન નથવાણી ચૂંટાઈ આવ્યા તે નથી દ્વારકા જિલ્લાના રહેવાસી કે નથી પોતે ખેડૂત છતાં બની ગયા ગુજકોના ડાયરેકટર તો કેવી રીતે બન્યા તેઓ ડાયરેકટર તેવા આક્ષેપો સાથે એક સહકારી વિભાગના આગેવાન હમીરભાઈ કનારા એ સવાલો ઉઠાવ્યા છે. 

સંસ્થા પાસે 10 હજારના શેર હોવા જરૂરી

ગુજકોના નિયમ મુજબ ગુજકો ના ડાયરેક્ટર બનવા માટે જે સંસ્થાને ચૂંટણી લડવી હોઈ તે સંસ્થા પાસે 10 હજારના શેર હોવા જરૂરી છે ત્યારે ગુજકો માર્શલ દ્વારા પોતાના મળતીયા ઉમેદવારોની સંસ્થાઓને શેર આપી ચૂંટાવા મદદ કરતી હોવાનો પણ આક્ષેપ આગેવાન દ્વારા કરવામાં આવતા ખળભળાટ મચી ગયો હતો બંને બોગસ મંડળીને જિલ્લા રાજીસ્ટાર દ્વારા ફડચામાં મુકેલ છે તો ક્યાં આધારે તે સંસ્થાનો પ્રતિનિધિ હોદા પર રહી શકે ? આ પણ અહીં સવાલ ઉભો થાય છે ભાણવડના ખેડૂત અગ્રણી હમીરભાઈ કનારા એ સબુતો સાથે કર્યા છે આક્ષેપો તો આ મામલે હવે નવા જૂની ના એંધાણ વર્તાય રહ્યા છે.

ખેડૂત અગ્રણી હમીરભાઈ કનારાએ આ સમગ્ર મામલાની ઉચ્ચ કક્ષાએ રજુઆત પણ કરી

સહકાર ક્ષેત્ર સાથે જોડાયેલા આ ખેડૂત આગેવાનો તમામ સબુતો સાથે જાહેરમા ચર્ચા કરવાનો પડકાર ફેકતા ખેડૂત અગ્રણી હમીરભાઈ કનારાએ આ સમગ્ર મામલાની ઉચ્ચ કક્ષાએ રજુઆત પણ કરી છે  ખેડૂતોની સંસ્થાઓમાં લાગવાગથી હોદા હાંસલ કર્યા હોવાનો આક્ષેપ થતા સૌરાષ્ટ્રમાં આ મામલે ભારે ચર્ચા જાગી છે ત્યારે સહકાર વિભાગ ચાલતી લાગવગ શાહી અહીં બહાર આવતી દેખાઈ રહી છે