સારા સમાચાર / ગુજરાતના યુવાનોની રોજગારીમાં થશે વધારો, સરકાર અને IOCL વચ્ચે થયા 24 હજાર કરોડના કરાર

• ગુજરાત સરકાર અને ઇન્ડીયન ઓઇલ કોર્પોરેશન વચ્ચે કરાર 
• IOCL હજાર કરોડના રોકાણોના 6 પ્રોજેકટસ વડોદરામાં સ્થાપશે
• ગાંધીનગરમાં 24 હજાર કરોડના રોકાણના વિવિધ સમજૂતી કરારો

કેન્દ્રીય પેટ્રોલિયમ મંત્રી ધર્મેન્દ્ર પ્રધાન આજે ગુજરાતની મુલાકાતે છે ત્યારે મુખ્યમંત્રી વિજય રૂપાણી અને કેન્દ્રીય પેટ્રોલિયમ મંત્રી ધર્મેન્દ્ર પ્રધાનની ઉપસ્થિતીમાં ગુજરાત સરકાર અને ઇન્ડીયન ઓઇલ કોર્પોરેશન વચ્ચે MoU ગાંધીનગરમાં કરવામાં આવ્યા છે વડોદરા આઈઓસી રિફાયનરીનાં એક્સપાન્સન અંગે કરાર કરવામાં આવ્યો છે.

આઈઓસીએલનો વ્યાપ વધારવાનો નિર્ણય કરવામાં આવ્યો છે. 24 હજાર કરોડના રોકાણના વિવિધ સમજૂતી કરારો કરવામાં આવ્યા છે.

MoU signing ceremony between @IndianOilcl and Govt. of Gujarat. https://t.co/bG6GX1QhZ9

— Dharmendra Pradhan (@dpradhanbjp) June 7, 2021

ગુજરાત સરકાર અને ઇન્ડીયન ઓઇલ કોર્પોરેશન વચ્ચે MoU

આ અંગે કેન્દ્રીય પેટ્રોલિયમ ધર્મેન્દ્ર પ્રધાને કહ્યું કે, આ કરારને કારણે ગુજરાતમાં રોજગારી વધશે, ગુજરાતને સસ્તા ભાવે કાચો માલ મળશે. તેમણે કોરોનાકાળમાં ગુજરાતને મહામારીમાંથી જલ્દી બહાર આવવા બદલ અભિનંદન પાઠવ્યાં. તેમણે કહ્યું આ વખતે ઓક્સિજનની બધાને અછત હતી. પરંતુ આજે આપણે એક જ દિવસમાં 10 હજાર મેટ્રિક ટન મેડિકલ ઓક્સિજનનું ઉત્પાદન કરીએ છીએ. ગુજરાતે પોતાની જરુરિયાતના ઓક્સિજન ઉપરાંત દેશની જરૂરિયાતને પણ પુરી પાડી છે.

ગુજરાતમાં એડિશનલ ઓક્સિજનની પણ કેપેસિટી વધશે

વડોદરા આઈઓસી રિફાયનરીનાં એક્સપાન્સન પ્લાન્ટમાં આપણે એક ઓક્સિજન પ્લાન્ટ પણ ચાલુ કરીશું.જેનાથી ગુજરાતમાં એડિશનલ ઓક્સિજનની પણ કેપેસિટી વધશે.વડાપ્રધાન નરેન્દ્ર મોદીનાં આદેશ પ્રમાણે આઈઓસી જે મજૂરો છે તેમના માટે પણ પ્રધાનમંત્રી નિવાસ બનાવવામાં આવશે. આ પ્રધાનમંત્રી આવાસ યોજનાની સબ સ્કિમ બને. આઈઓસીમાં જે પણ મજૂરો બહારથી આવીને કામ કરશે તેમની પણ ચિંતા અમને છે.

24 હજાર કરોડના રોકાણોના ૬ પ્રોજેકટસ વડોદરામાં સ્થાપશે

ઇન્ડીયન ઓઇલ કોર્પોરેશન રૂ. 24 હજાર કરોડના રોકાણોના ૬ પ્રોજેકટસ વડોદરામાં સ્થાપશે.  મુખ્યમંત્રી વિજય રૂપાણી અને કેન્દ્રીય પેટ્રોલિયમ મંત્રી પ્રધાનની ઉપસ્થિતીમાં ગુજરાત સરકાર અને ઇન્ડીયન ઓઇલ કોર્પોરેશન વચ્ચે આ અંગેના MoU ગાંધીનગરમાં કરવામાં આવ્યા હતા આ MoU પર ગુજરાત સરકાર વતી મુખ્યમંત્રીના અધિક મુખ્ય સચિવ અને ઊદ્યોગ વિભાગના અધિક મુખ્ય સચિવ એમ. કે. દાસ તેમજ આઇ.ઓ.સી.એલ. ના ચેરમેન એસ. એમ. વૈદ્ય એ ઇન્ડીયન ઓઇલ કોર્પોરેશન વતી હસ્તાક્ષર કર્યા હતા.

• ગુજરાતમાં  25 હજારથી વધુ લોકોને પ્રત્યક્ષ કે પરોક્ષ રોજગારીની તકો પ્રાપ્ત થશે. 
• ગુજરાતમાં રૂ. 24 હજાર કરોડના રોકાણોના 6 પ્રોજેકટસ વડોદરામાં શરૂ થવાના છે 
• આ પ્રોજેકટસમાં LuPech Project for petrochemicals,
• Acrylics-Oxo Alcohol Project at Dumad, Infrastructure for KAhSPL at JR & Dumad,
• Shifting of LAB TTL Facility in Dumad, New Flare at JR and Hydrogen dispensing facilityનો સમાવેશ  

દેશમાં સૌથી વધુ FDI મેળવનારા ગુજરાત તરીકેનો પ્રથમ ક્રમે

મુખ્યમંત્રી વિજય રૂપાણીએ ગુજરાત ઓઇલ એન્ડ પેટ્રોકેમિકલ્સ ક્ષેત્રમાં અગ્રણી રાજ્ય હોવાનો ગૌરવ સહ ઉલ્લેખ કર્યો હતો  મુખ્યમંત્રીએ જણાવ્યું કે, પારદર્શી પોલિસીઝ, ઇઝ ઓફ ડૂઇંગ બિઝનેસને વેગ અને ઊદ્યોગોને સાનુકૂળ વાતાવરણને પરિણામે ગુજરાતે કોરોના મહામારીના કપરા કાળ છતાં સતત ચોથા વર્ષે દેશભરમાં સૌથી વધુ FDI મેળવનારા રાજય તરીકેનો પ્રથમ ક્રમ જાળવી રાખ્યો છે. આઇ.ઓ.સી.એલ દ્વારા થનારૂં આ રોકાણ આવનારા દિવસોમાં ગુજરાતને પેટ્રોકેમિકલ્સ ક્ષેત્રે વધુ સક્ષમ બનાવશે એવો વિશ્વાસ મુખ્યમંત્રીએ દર્શાવ્યો હતો. 

ગુજરાત રોકાણકારોની પહેલી પસંદ બન્યું

કેન્દ્રીય પેટ્રોલિયમમંત્રી ધર્મેન્દ્ર પ્રધાને કહ્યું ગુજરાત રોકાણકારોની પહેલી પસંદ બન્યું છે તેના મૂળમાં ધર્મેન્દ્ર પ્રધાન મંત્રી નરેન્દ્ર મોદીએ રાજ્યના સર્વગ્રાહી વિકાસ માટે અપનાવેલા નવતર આયોજનો છે એમ જણાવ્યું હતું. કેન્દ્રીય મંત્રી ધર્મેન્દ્ર પ્રધાને આ પ્રોજેકટસના ખાતમૂર્હત પ્રધાનમંત્રી નરેન્દ્ર મોદીના હસ્તે ત્વરાએ સંપન્ન કરાવીને પ્રોજેકટસ સમયસર પૂર્ણ કરાશે તેમ જણાવ્યું હતું તેમણે કોરોના-કોવિડ મહામારીમાં ગુજરાતે પોતાની ઓક્સિજનની જરૂરિયાત સન્તુલિત રાખીને દેશના અન્ય રાજ્યોને પણ ઓક્સિજન પૂરો પાડયો અને કોવિડ-19માં જે હેલ્થ મેનેજમેન્ટ કર્યુ તે માટે ગુજરાત સરકારને અભિનંદન પાઠવ્યા હતા.