નવા વર્ષની ઉજવણીને લઈને સ્ટેચ્યુ ઓફ યુનિટીમાં વિશેષ તૈયારીઓ કરવામાં આવી છે. આ વર્ષે સહેલાણીઓને નવા ડેસ્ટિનશન મળેલી આ જગ્યાની મુલાકાત લેનારાઓની સંખ્યામાં દિવસેને દિવસે વધારો થઈ રહ્યો છે. ત્યારે જાણો નવું વર્ષ સ્ટેચ્યુ ઓફ યુનિટીમાં ઉજવવા માંગતા લોકો માટે શું તૈયારીઓ કરવામાં આવી છે.
31stને લઈને સ્ટેચ્યુ ઓફ યુનિટીમાં પ્રવાસીઓનો ધસારો
પ્રવાસીઓ માટે સ્ટેચ્યુ ઓફ યુનિટી બન્યુ ફેવરિટ
4 કરોડના ખર્ચે મુકાયેલા બારકોડ સ્કેનર શોભાના ગાંઠિયા સમાન
કેવડિયામાં આવેલી તમામ હોટલ અને ટેન્ટસિટી હાઉસફૂલ
નવા વર્ષની ઉજવણીને લઈને સ્ટેચ્યુ ઓફ યુનિટીમાં તમામ પ્રકારની તૈયારીઓ કરવામાં આવી રહી છે. આજે વર્ષનાં છેલ્લાં દિવસે મોટી સંખ્યામાં પ્રવાસીઓ જોવા મળ્યાં. પ્રવાસીઓ માટે સ્ટેચ્યુ ઓફ યુનિટી હોટ ફેવરિટ ડેસ્ટિનેશન બન્યું છે. પ્રવાસીઓનો ધસારો થતાં કેવડિયામાં આવેલી તમામ હોટલ અને ટેન્ટસિટી હાઉસફુલ થયાં છે. આજે કેવડિયા કોલોનીમાં ડિનર તથા કપલ ડાન્સ સહિત મ્યુઝિકલ નાઈટનું આયોજન કરાયુ છે. નવાં વર્ષની ઉજવણીને લઈને નર્મદામાં પોલીસ પણ એલર્ટ થઈ છે. પોલીસ દ્વારા જિલ્લામાં પેટ્રોલિંગ કરવામાં આવી રહ્યું છે.
સહેલાણીઓની સંખ્યામાં વધારો થયો
સ્ટેચ્યુ ઓફ યુનિટીની મુલાકાતે આવનારા સહેલાણીઓની સુરક્ષા માટે સીસીટીવી દ્વારા પોલીસ નજર રાખી રહી છે. ઉલ્લેખનીય છે કે 25થી 31 ડિસેમ્બર દરમિયાન સ્ટેચ્યુ ઓફ યુનિટીની મુલાકાતે આવનારા સહેલાણીઓની સંખ્યામાં વધારો થયો હોવાને કારણે આ દિવસો દરમિયાન ઘણાં મુલાકાતીઓને ટિકીટ મળી નહોતી.
કરોડોનાં બારકોડ સ્કેનર શોભાના ગાંઠિયા સમાન
સ્ટેચ્યુ ઓફ યુનિટી પર પ્રવાસીઓનો ઘસારો વધવાને કારણે પ્રવાસીઓ અટવાયા હતા. સૌથી વધારે પ્રવાસીઓ ત્યારે હેરાન થયાં જ્યારે બારકોટ સ્કેનર મશીનો બંધ થયાં. લાંબી મુસાફરી કાપીને સ્ટેસ્યુ ઓફ યુનિટી પહોંચ્યા બાદમાં પણ પ્રવાસીઓને લાંબી કતારોમાં ઉભા રહેવું પડ્યું હતું. તેમ છતાં પ્રવેશ નહી આપવા તંત્ર લાચાર બન્યું હતું . 4 કરોડના ખર્ચે મુકાયેલા બારકોડ સ્કેનર શોભાના ગાંઠિયા સમાન સાબિત થયાં હતાં. જેને પગલે પ્રવાસીઓમાં ભારે આક્રોષ જોવા મળ્યો હતો.