પ્રારંભ / ગુજરાતમાં સૌથી પહેલી સ્કિન બેંક રાજકોટમાં શરૂ, દાઝી ગયેલા દર્દીને આ રીતે થશે ફાયદો, દાન પણ કરી શકશો

• સૌરાષ્ટ્રના દર્દીઓ માટે મહત્વના સમાચાર
• રાજ્યની સૌથી પહેલી સ્કિન બેંક રાજકોટમાં શરૂ 
• દાઝી ગયેલા દર્દીઓને ડ્રેસિંગ અને દર્દમાંથી મુક્તિ મળશે

ખાનગી હોસ્પિટલમાં અપાતી મોંઘીદાટ સેવાઓ રાજકોટની સિવિલ હોસ્પિટલમાં રાહત દરે થઈ રહી હોવાથી રાજકોટની આ હોસ્પિટલ અનેક ગરીબ પરિવાર માટે આશીર્વાદરૂપ સાબિત થઈ છે.ત્યારેરાજકોટ સિવિલ હોસ્પિટલ ખાતે સ્કિન બેંકની શરૂઆત કરી દેવામાં આવી છે. આજે સાંસદ રામ મોકરિયા દ્વારા તેને શરૂ કરવામાં આવી છે. ઉલ્લેખનીય છે કે, દાઝી ગયેલા દર્દીઓને હવે ડ્રેસિંગ અને દર્દીમાંથી મુક્તિ મળશે. લેવામાં આવતી સ્કિનને પાંચ વર્ષ સુધી ઉપયોગમાં લઈ શકાય છે. સ્કિનને કઈ રીતે અને કેટલા તાપમાનનામા રાખવી તેના પર વાત કરીએ તો તેને ફ્રિઝમાં માઈનસ ૮૦ ડિગ્રી તાપમાનમાં રાખવામાં આવે છે. આ સ્કિનને જે વ્યક્તિનું મૃત્યુ થયુ છે તેના છ કલાકની અંદર જ લેવામાં આવે છે.આથી સૌરાષ્ટ્રના લોકો સ્કીનનું દાન પણ કરી શકશે

દાઝી ગયેલા દર્દીઓને ડ્રેસિંગમાં મદદ મળશે

જે લોકો દાઝી ગયા હોય તેવા દર્દી માટે આ બેંક અને સ્કીન ખૂબ જ ઉપયોગી બની શકે છે. જે લોકો કોઈ કારણથી દાઝ્યા હોય છે તો તે લોકોને બાયોલોજીકલ ડ્રેસિંગના સ્વરૂપમાં આ સ્કિન લગાવી શકાય છે. જેના કારણે દાઝી ગયેલા ભાગ પર કોઈ પણ પ્રકારનું ઈન્ફેકશન આવતુ નથી. અને થોડા સમય બાદ દાઝી ગયેલા દર્દીને નવી સ્કિન આવવા લાગે છે. આમ નવી સ્કિન આવતા લગાવવામાં આવેલી સ્કિન નીકળવા લાગે છે. 

સ્કિનને ફ્રિઝમાં માઇનસ 80 ડિગ્રી તાપમાનમાં રખાશે

કોઈ પણ વ્યક્તિના શરીરમાં તેમના અંગ મહત્વના હોય છે પરંતુ તેની સાથે સાથે સ્કિન સેન્સેટીવ હોય છે. થોડુ પણ જો શરીરમાં ઘસાય કે છોલાય છે તો તરત જ લોહી નીકળવા લાગે છે. સ્કિનનું મહત્વ ત્યારે આપણને સમજાય છે. તેથી કોઈ વ્યક્તિ દ્વારા ડોનેટ કરવામાં આવેલી સ્કિનને ફ્રિઝમાં માઈનસ ૮૦ ડિગ્રી તાપમાનમાં રાખવામાં આવે છે.