પ્રવેશ / હવે વિદ્યાર્થીઓ એન્જીનીયરીંગથી દૂર ભાગી રહ્યા છે! 20 હજાર સીટો ખાલી રહેવાની સંભાવના, શું છે કારણ?

ડિપ્લોમાં એન્જીનીયરીંગમાં આગામી 6 જુનથી પ્રવેશ કાર્યવાહીનો પ્રારંભ થનાર છે. ત્યારે એડમિશન કમિટી દ્વારા તમામ તૈયારીઓ પુર્ણ કરી દેવામાં આવી છે. એક તરફ રાજ્યની શાળાઓમાં 10 જુનથી નવા સત્રની શરૂઆત થવા જઈ રહી છે ત્યારે રાજ્યભરમાં ડીપ્લોમા એન્જીનીયરીંગ માટેની 61,000થી વધુ બેઠકો પર પ્રવેશ પ્રક્રિયા હાથ ધરવામાં આવનાર છે.

ત્યારે સરકાર દ્વારા EWS યોજના હેઠળ 25% બેઠકો વધારવાનો કરાયેલા નિર્ણય મુજબ કોલેજોમાં બેઠકો પણ વધારવામાં આવશે. ત્યારે આ વર્ષે નવી 5 કોલેજોને પણ પ્રવેશ સમિતિના માધ્યમથી મંજુરી આપવામાં આવી છે. જેને લઈને ડિપ્લોમાં અને ડિગ્રીમાં વધુ બેઠકો ખાલી રહે તો નવાઈ નહીં.

કારણ કે, ડિપ્લોમાં એન્જીનીયરીંગમાં છેલ્લા પાંચ વર્ષથી ખાલી સીટોમાં ઉત્તરોતર વધારો થઇ રહ્યો છે. 2018માં 19 હજાર, વર્ષ 2017માં 26572, 2016માં 22341 હજાર, 2015માં 21 હજાર જ્યારે 2014માં 26 હજાર બેઠકો ખાલી રહી હતી.