સોશિયલ મીડિયામાં વાયરલ થયેલા એક કથિત વિડીયોમાં પોલીસની નજર સામેથી જ ઓવરલોડ વાહનો પસાર થઈ રહ્યા હોય છે અને પોલીસ તેમની સામે કોઈ કાર્યવાહી ન કરતી હોવાના આક્ષેપ થયા છે
મહીસાગરના લુણાવાડામાં ટ્રાફિકના નિયમોની ઐસીતૈસી
પોલીસ પોતાની સામેથી પસાર થતા ઓવરલોડ વાહનો પર કાર્યવાહી કરતી નથી
ટેમ્પો ચાલકે સમગ્ર ઘટનાનો વીડિયો બનાવી વાયરલ કર્યો
મહીસાગરન લુણાવાડામાં ટ્રાફિકના નિયમોની ઐસીતૈસી કરાઇ રહી હોવાની ઘટના સામે આવી છે. વાત જાણે એમ છે કે, સોશિયલ મીડિયા માં વાયરલ થયેલા એક કથિત વિડીયોમાં પોલીસની નજર સામેથી જ ઓવરલોડ વાહનો પસાર થઈ રહ્યા હોય છે અને પોલીસ તેમની સામે કોઈ કાર્યવાહી ન કરતી હોવાના આક્ષેપ થયા છે. આ સાથે ઓવેરલોડ વાહનોની જગ્યાએ એક ટેમ્પો ચાલકને રોકીને તેને ખાનગી ગાડીમાં બેસેલા અધિકારી પાસે મોકલ્યો હોવાનું જણાવાયું છે. જોકે આ કથિત વિડીયોને કારણે મહીસાગર પોલીસ પર અનેક સવાલો ઊભા થઈ રહ્યા છે.
શું છે સમગ્ર ઘટના ?
વાત જાણે એમ છે કે, મહીસાગરના લુણાવાડામાં કથિત રીતે પોલીસ સામેથી ઓવરલોડ વાહનો બિન્દાસ્ત પસાર થતા હોવાનો વિડીયો સોશિયલ મીડિયામાં વાયરલ થયો છે. જેમાં એક ટેમ્પો ચાલક રોડ ઉપરથી પસાર થઈ રહ્યા હતા ત્યારે તેમણે વિડીયો બનાવવાનું ચાલુ કર્યું હતું. જય તેમની આગળ જ એક ઓવરલોડ ભરેલું વાહન પસાર થતું હતું. જોકે પોલીસે તે વાહન ને જવા દઈ અને ટેમ્પો ચાલકને રોક્યો હતો. જે બાદમાં તેમને ખાનગી કારમાં બેસેલા એક અધિકારીને મળવાનું કહ્યું હતું. જ્યાં ખાનગી કારમાં બેસેલા અધિકારીએ પણ ટેમ્પો ચાલકને બીજા કોઈ વાહનો વિશે ચિંતા નહીં કરવાનું કહ્યું હતું.
TRB જવાને ટેમ્પો ચાલકને ખાનગી ગાડીમાં બેઠેલા અધિકારી પાસે મોકલ્યો
ઓવેરલોડ વાહન જવા દઈ અને ટેમ્પો ચાલકને TRB જવાને રોક્યો હતો. જેથી ટેમ્પો ચાલકે કહ્યું હતું કે, આગળ ઓવરલોડ વાહન ગયું તેને તો રોકો. જે બાદમાં TRB જવાને ટેમ્પો ચાલકને ખાનગી ગાડીમાં બેઠેલા અધિકારી પાસે મોકલ્યો હતો. જ્યાં અધિકારીએ પણ કહ્યું હતું કે તમારે બીજા વાહનોની ચિંતા કરવાની જરૂર નથી.
સમગ્ર ઘટનાનો વિડીયો સોશિયલ મીડિયામાં વાયરલ
મહિસાગરની લુણાવાડા પોલીસનો આ કથિત વિડીયો સોશિયલ મીડિયામાં વાયરલ થતાં હડકંપ મચી ગયો છે. જોકે વિડીયો મુજબ ઓવરલોડ ભરેલા વાહનોને નહીં રોકી પોલીસે એક ટેમ્પો ચાલકને રોકતા લુણાવાડા પોલીસ પર સવાલો ઊભા થઈ રહ્યા છે.