ડાંગના હિલસ્ટેશન સાપુતારાથી કેટલાક ડરામણાં દ્રશ્યો સામે આવ્યા, કોરોનાની સંભવિત ત્રીજી લહેરના ડર વગર લોકો ફરવા માટે નીકળી ગયા છે
ડાંગના ગિરિમથક સાપુતારા ખાતે પ્રવાસીઓનો ધસારો
બોટિંગ, પેરાગલાડિંગ શરૂ થતા પ્રવાસીઓમાં ખુશી
ટેબલ પોઇન્ટ અને સનરાઈઝ પોઇન્ટ પર પ્રવાસીઓની જામી ભીડ
કોરોના પ્રત્યે હજુ પણ લોકો સજાગ હોય તેમ લાગતું નથી. બીજી લહેરમાં આપણે લોકો ઓક્સિજન, બેડ વગર કેવા વલખાં મારતા હતા? પણ આ બધુ લોકો ભૂલી ગયા હોય તેમ હાલ લાગી રહ્યું છે. ડાંગના હિલસ્ટેશન સાપુતારાથી કેટલાક ડરામણાં દ્રશ્યો સામે આવ્યા છે. જુઓ આ દ્રશ્યોમાં? જુઓ આ વાયરલ ન્યૂઝમાં..
અહીંની બજારો પણ પર્યટકોથી ઉભરાઈ ગઈ છે. અને અહીં પણ કેટલાય લોકો ખુલ્લા મોઢે ફરી રહ્યા છે. ન તો માસ્ક છે. ન તો સોશિયલ ડિસ્ટસિંગ છે. હરવા ફરવાના શોખીન ગુજરાતીઓ પ્રવાસનો આનંદ માણવામાં એટલા મજગૂલ થઈ ગયા છે કે તેઓ કોરોનાની ગાઈડલાઈનના સરાજાહેર ભંગ કરી રહ્યા છે. અને સૌથી મોટી વાત એ છે કે સ્થાનિક તંત્ર પણ અહીં હાથામાં હાથ નાંખી બેસી ગયું છે. ન કોઈ રોકટોક...ન કોઈ નિયમોની જાળવણી માટે સુચના. બસ પ્રવાસીઓને જેમ આનંદ આવે તેમ કરી રહ્યા છે.