ટ્રેન્ડ / લો હવે લગ્ન માટે પણ લોન, ગુજરાતના યુવાનો વેડિંગ માટે લાખોની લોન લેતા ખચકાંતા નથી

• લગ્ન માટે લે છે 2થી 30 લાખ સુધીની લોન
• છેલ્લા વર્ષમાં લગ્ન માટે લોન લેનાર યુવાનોની સંખ્યામાં વધારો
• માતા-પિતા પણ ઈચ્છે છે ગ્રાન્ડ વેડિંગ

લગ્ન માટે લોન લેનારા અમદાવાદી યુવાનોની સંખ્યા પણ દર વર્ષે વધી રહી છે. એક ખાનગી કંપનીએ રજૂ કરેલા રિપોર્ટ મુજબ વર્ષ 2018-19ની સરખામણીમાં 2019-20માં લગ્ન માટે લોન લેનારા યુવાનોની સંખ્યામાં 14 ટકાનો વધારો નોંધાયો છે. અમદાવાદમાં પણ યુવાનો લગ્ન માટે 2થી 30 લાખ રૂપિયા સુધીની લોન લે છે. 

46 ટકા યુવાનો લગ્નની લોન માટે એપ્લાય કરે છે 

યુવાનો પોતાના લગ્ન માટે પણ તેઓ વધુને વધુ ખર્ચ કરી રહ્યા છે, જેના માટે જરૂરિયાત મુજબ તેઓ લોન પણ લેતા ખચકાતા નથી. લગ્ન માટે લોન લેનારા યુવાનો જ્વેલરી, લગ્નના સ્થળ તેમજ કેટરિંગની વ્યવસ્થા, મહેમાનોની ગોઠવણ જેવી લગ્ન સાથે જોડાયેલી જુદી જુદી સુવિધાઓ માટે થતા ખર્ચ પેટે 2 લાખથી 30 લાખ રૂપિયા સુધીની લોન માટે અરજી કરે છે. કંપનીના જણાવ્યા મુજબ 2018ની સરખામણીમાં 2019માં મહાનગરોમાં વેડિંગ લોન માટે અરજી કરનારા યુવાનોની સંખ્યામાં સૌથી વધુ 46 ટકા જેટલો વધારો થયો છે.