રેસિપી / શિયાળામાં રસોઈને મહેકાવશે આ ખાસ કચોરીનો સ્વાદ, આજે જ કરી લો પ્લાન

Team VTV 10:19 AM, 03 Dec 20
Gujarati tuver lilva kachori recipe for Winter Season

શિયાળો આવે અને ગરમા-ગરમ વાનગી ખાવાની ઈચ્છા વધી જતી હોય છે. એમાં પણ બજામાં આટલા બધા ફ્રેશ શાકભાજી મળતા હોય ત્યારે તો, ચોક્કસથી અવનવી વાનગી ખાવાના ચટાકા થાય જ. હવે માર્કેટમાં લીલી તુવેર આવી ચૂકી છે, તો તમે બનાવી લો તેની ગરમાગરમ કચોરી અને માણી લો લીલી ચટણીની સાથે શિયાળાની મજા.

લીલવાની કચોરી
 
સામગ્રી

-250 ગ્રામ લીલવા (લીલી તુવેરના દાણા)
-10 લીલા મરચાં
-1 આદુંનો નાનો ટુકડો
-1/2 ચમચી રાઈ
-1 ચમચી તલ
-1 ચપટી સાજીના ફૂલ
-1 નંગ બટાટુ
-50 ગ્રામ પૌંવા


-4 ચમચી ઝીણી સમારેલી કોથમીર
-1/2 ચમચી લીંબુના ફૂલ
-2 ચમચી ખાંડ
-1 ચમચી ગરમ મસાલો
-300 ગ્રામ ઘઉંનો લોટ અથવા મેંદો
-1 ચમચી બૂરું ખાંડ
-1/2 ચમચી લીંબુનો રસ
-મીઠું સ્વાદાનુસાર 
-તેલ જરૂર મુજબ
-દ્રાક્ષ

 

રીત

સૌપ્રથમ લીલવાને ધોઈની અધકચરા વાટો. હવે લીલા મરચાં, આદુને પણ વાટો. આ પછી એક વાસણમાં વધુ પડતુ તેલ ગરમ કરો. તેમાં રાઈ, તલ, લીલાં મરચાં, આદું નાખી લીલવા વઘારો, મીઠું નાખી બરાબર મિક્સ કરો. સાજીના ફૂલ પાણીમાં ઓગાળી નાખો. લીલવા ઓછા હોય તો બટાકા બાફીને છીણીને નાંખો. લીલવા ચઢી જાય એટલે બધો મસાલો નાખો. ઘઉંના લોટમાં અથવા મેંદામાં થોડો ઘઉંનો લોટ નાખીને ચમચી મીઠું અને બે ચમચી તેલ નાખી લોટ બાંધો. પૂરી વણીને મસાલો ભરી કચોરી વાળો તથા ગરમ તેલમાં તળી લો. તૈયાર છે સ્વાદિષ્ટ કચોરી. તેને તમે લીલી ચટણીની સાથે સર્વ કરીને મજા માણી શકો છો. 

Lilva kachori Tuver Kachori kachori Gujarati Recipe Winter Recipe તુવેર કચોરી લીલવા કચોરી રેસિપી ગુજરાતી વાનગી ફરસાણ
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ