વડાપ્રધાન નરેન્દ્ર મોદીએ સૈનિકો સાથે કારગીલમાં દિવાળી મનાવી હતી. આ અવસરે PM મોદીની હાજરીમાં જવાનોએ ગુજરાતી ગીત ગાયા હતા. જેનો VIDEO વાયરલ થયો છે.
વડાપ્રધાન નરેન્દ્ર મોદીએ જવાનો સાથે કરી દિવાળીની ઉજવણી
કારગીલની પહાડીઓમાં રાષ્ટ્રગીત, અમે ગુજરાતી લેરી લાલા સહિતના ગીત ગૂંજ્યા
જવાનોએ PM મોદીની હાજરીમાં ગાયા ગુજરાતી ગીત
દિવાળીના પર્વને લઇને વડાપ્રધાન નરેન્દ્ર મોદી આજે સોમવારે જમ્મુ-કાશ્મીરના કારગિલ ખાતે પહોંચ્યા હતા. દર વર્ષની જેમ તેમણે અહીં સેનાના જવાનો સાથે દિવાળીની ઉજવણી કરી હતી. આ તકે PM મોદીની હાજરીમાં સેનાના જવાનોએ ગુજરાતી ગીતો ગાયા હતા. જે અંગેનો VIDEO હાલ ધૂમ વાયરલ થઇ રહ્યો છે.
કારગીલની પહાડીઓમાં જવાનોએ ગાયા ગુજરાતી ગીત
આ વખતની દિવાળીમાં કારગીલની પહાડીઓમાં રાષ્ટ્રગીત,અમે ગુજરાતી લેરી લાલા. સહિતના ગીત પણ સાંભળવા મળ્યા હતા. સેનાના જવાનોએ PM મોદીની હાજરીમાં ગુજરાતી ગીતોની રમઝટ બોલાવી હતી.આ વેળાએ પીએમ મોદીએ ચપટી વગાડતા વગાડતા જવાનોના ગીત સાંભળ્યા હતા અને તેઑને શાબાસી આપી હતી. જે VIDEO ખૂબ વાયરલ થઇ રહ્યો છે.
PM મોદીએ દેશવાસીઓને પાઠવી દિવાળીની શુભકામના
આ અવસરે PM મોદીએ કહ્યું કે, ક્યાં સિવિલિયન લોકોની આતિશબાજી અને ક્યાં તમારી આતિશબાજી. તમારી આતિશબાજી કંઈક અલગ હોય છે. તમારા ધમાકા પણ અલગ હોય છે. સાથીઓ શોર્યની અપ્રતિમ ગાથાઓની સાથે જ આપણી પરંપરા મધુરતા અને મીઠાશની પણ છે. એટલા માટે ભારત પોતાના તહેવારોને પ્રેમની સાથે મનાવે છે. આખા વિશ્વને તેમાં સામેલ કરીને મનાવે છે. આજે કારગિલની આ વિજય ભૂમિ પરથી અને જવાનોની વચ્ચેથી હું તમામ દેશવાસીઓ અને વિશ્વને દિવાળીની હાર્દિક શુભકામના પાઠવું છું.