વિવાદ / કાજલ મહેરિયાના અપશબ્દો વાળા વાયરલ થયેલા વીડિયો મામલે લોકગાયિકાએ જાણો શું કહ્યું...

• લોકગાયિકા કાજલ મહેરિયા પર હુમલો
• મારી સાથે ખુબ ખરાબ વર્તન કરાયુંઃ કાજલ મહેરિયા
• ગુસ્સામાં અપશબ્દ નીકળ્યા હોય તો માફ કરજોઃ કાજલ મહેરિયા

રવિવારે રાત્રે કાજલ મોઢેરા ગયા હતા, ત્યારે ઇવેન્ટ મેનેજર બાબાખાનના વિરોધીઓ સાથે તકરાર થઇ હતી. કહેવામાં આવી રહ્યું છે કે કાજલે પણ અપશબ્દોનો પ્રયોગ કર્યો હતો. બાદમાં કાજલને લાફા મારવામાં આવ્યા હતા જે બાદ ઘટના વધુ ગરમાઇ હતી. આ દરમિયાન કાજલે અભદ્ર ભાષાનો ઉપયોગ કર્યો હતો તેવા વીડિયો વાયરલ થયા હતા. 

મોઢેરામાં બખાડો થયા બાદ કાજલ મહેરિયાનો વીડિયો વાયરલ થયો હતો. જે અંગે કાજલ મહેરિયાએ નિવેદન આપ્યું છે કે, મારી સાથે તે વખતે ખૂબ ખરાબ વર્તન કરવામાં આવ્યું હતું. હું કલાકાર પછી પહેલા એક સ્ત્રી છું. ગુસ્સામાં કોઈ શબ્દ મારા મોઢામાંથી નીકળી ગયો હોય તો હું સૌની માફી માંગુ છું. મહત્વનું છે કે, કાજલ પર આરોપ છે કે તેણે અનેક લોકોની લાગણી દુભાઇ હતી. 

મહેસાણામાં વિરોધ પ્રદર્શન

કાજલ મહેરિયાએ અભદ્ર ભાષાનો ઉપયોગ કરતા અનેક લોકોની લાગણી દુભાઇ છે. ત્યારે મહેસાણામાં યુવકોએ કાજલ વિરુદ્ધ પ્રદર્શન કર્યુ હતુ અને વિરોધ દર્શાવ્યો હતો.