ઉત્તર ગુજરાતની કોયલ કાજલ મહેરિયા હંમેશા તેમના ગીતને લઇને ચર્ચામાં રહેતા હોય છે પરંતુ આજે તે એક વિવાદને કારણે ચર્ચામાં છે. રવિવારે કાજલ અને ઇવેન્ટ મેનેજમેન્ટ કંપનીના લોકો સાથે તકરાર થઇ હતી. બાદમાં કાજલને લાફા ઝીંકાતા મામલો ગરમાયો હતો
રવિવારે રાત્રે કાજલ મોઢેરા ગયા હતા, ત્યારે ઇવેન્ટ મેનેજર બાબાખાનના વિરોધીઓ સાથે તકરાર થઇ હતી. કહેવામાં આવી રહ્યું છે કે કાજલે પણ અપશબ્દોનો પ્રયોગ કર્યો હતો. બાદમાં કાજલને લાફા મારવામાં આવ્યા હતા જે બાદ ઘટના વધુ ગરમાઇ હતી.
કાજલે અભદ્ર ભાષાનો ઉપયોગ કર્યો હતો તેવા વીડિયો વાયરલ થયા હતા, સામા પક્ષે કાજલે પણ કેટલાક વ્યક્તિઓ વિષે મોઢેરા પોલિસ સ્ટેશનમાં ફરિયાદ નોંધાવી હતી. કાજલ ઉપર આરોપ છે કે તેણે અનેક લોકોની લાગણી દુભાઇ હતી.
મહેસાણામાં વિરોધ પ્રદર્શન
કાજલ મહેરિયાએ અભદ્ર ભાષાનો ઉપયોગ કરતા અનેક લોકોની લાગણી દુભાઇ છે, ત્યારે મહેસાણામાં યુવકોએ કાજલ વિરુદ્ધ પ્રદર્શન કર્યુ હતુ અને વિરોધ દર્શાવ્યો હતો.