ગુજરાતી ફિલ્મોને છેલ્લા કેટલાક સમયગાળાથી જમાનો આવ્યો છે. હિન્દી ફિલ્મના રવાડે ચડેલ યંગસ્ટર્સને હવે ગુજરાતી ફિલ્મોનું ઘેલું લાગ્યું છે. ત્યારે ફરી એકવાર દમદાર ગુજરાતી ફિલ્મ આગામી 17 જાન્યુઆરીના રોજ ફિલ્મઘરોમાં રજૂ થવાની છે. માયશા ફિલ્મસ, મોરી ગ્રુપ અને સીઝારા સીને આર્ટ સ્ટુડિયો દ્વારા આ અપકમિંગ ગુજરાતી ફિલ્મ 'બાબુભાઇ સેન્ટિમેન્ટલ'નું ટ્રેલર તાજેતરમાં જ રિલીઝ થયું છે. અપકમિંગ ફિલ્મનું ટ્રેલર રિલીઝ થતાની સાથે જ દર્શકોએ ખુબ જ વખાણ્યું છે. આ ટ્રેલર રિલીઝ થયાંના ગણતરીના કલાકોમાં જ હજારો લોકોએ જોયું હતું અને લાઇક કરીને શેર પણ કર્યું હતું.
બાબુભાઇ સેન્ટિમેન્ટલ ફિલ્મનું ટ્રેલર રિલીઝ
નાયક હથિયાર તરીકે ખાટલાના પાયાનો કરી રહ્યો છે ઉપયોગ
દર્શકોએ કર્યા વખાણ
બાબુભાઇ સેન્ટિમેન્ટલ ફિલ્મમાં એક્શનની સાથે સાથે એડવેન્ચર અને ડ્રામાથી ભરપૂર ફિલ્મ છે. બાબુભાઇ સેન્ટિમેન્ટલ"ના મુખ્ય કલાકારોમાં નક્ષરાજ કુમાર તથા શિવાની જોશી છે. ઉપરાંત, નિસર્ગ ત્રિવેદી, કમલ સિસોદિયા તથા મયુર ચૌહાણ પણ મહત્વની ભૂમિકાઓમાં નજરે પડશે. મિલન શર્મા દ્વારા ડાયરેક્ટ કરવામાં આવેલ આ ફિલ્મનું લેખન રાજ રાઠોડ દ્વારા કરવામાં આવ્યું છે, જ્યારે ફિલ્મના પ્રોડ્યૂસર્સ નિધિ મોરી અને વીના શર્મા છે.
17 જાન્યુઆરી, 2020ના રોજ થશે રિલીઝ
ફિલ્મમાં સ્પેશિયલ ઇફેક્ટ્સ અને એડિટિંગ ખૂબ જ મહત્વનું છે જે અમીત પટેલ દ્વારા કરવામાં આવ્યું છે. ફિલ્મનું મ્યુઝિક હિતેશ- વિવેકની જોડીએ આપ્યું છે. "બાબુભાઇ સેન્ટિમેન્ટલ" 17 જાન્યુઆરી, 2020ના રોજ સિનેમાઘરોમાં રિલીઝ થઇ રહી છે.
લોકોને પસંદ પડ્યું ટ્રેલર
બાબુભાઇ સેન્ટિમેન્ટલ'નું ટ્રેલર રિલીઝ થતાની સાથે જ ઇન્ટરનેટ પર ધૂમ મચાવવા લાગ્યું છે. આ ટ્રેલર એક્શનની સાથે સાથે એડવેન્ચર અને ડ્રામાથી ભરપૂર છે. થોકબંધ લોકોએ આ ટ્રેલરને વખાણ્યું છે.
ખાટલાના પાયાનો હથિયાર તરીકે ઉપયોગ લોકોને ગમશે
સાઉથ ફિલ્મના રસિયાઓ નાયકની વિવિધ સ્ટાઇલ પર સીટીઓ વગાડતા હોય છે ત્યારે અસ્સલ ગામઠી ઠાઠમાં જોવા મળતો ફિલ્મનો એકદમ ગુજરાતી નાયક હથિયાર તરીકે ખાટલાના પાયાનો ઉપયોગ કરે છે. ખાટલાના પાયાનો એક્શન સીનમાં પ્રથમ વખત આ રીતે ઉપયોગ દર્શકોમાં ચર્ચાનો વિષય બન્યો છે અને લોકો તેને વખાણી પણ રહ્યા છે.
શું છે ફિલ્મની વાર્તા
બાબુભાઇ સેન્ટિમેન્ટલ ફિલ્મમાં ગામડાની અને કોલેજની વાર્તા દર્શાવવામાં આવી છે. જેમાં મુખ્ય નાયક ગામડાનો સીધો સાદો માણસ તરીકે જોવા મળે છે. જેના પહેરવેશમાં કેડિયું અને માથે લાલ પાઘડી જોવા મળી છે જે ખાટલાના પાયાને હથિયાર તરીકે ઉપયોગ કરે છે અને એટલે જ આ ફિલ્મ લોકોને ખુબ જ ગમશે.