ગોલમાલ / કોણ જવાબદાર? રોજગારીને નામે મંજૂરી આપેલી મારૂતીમાં સ્થાનિકોને નોકરી નહી

• સ્થાનિકોને નોકરી આપવા ઠાગાઠૈયા
• મોટી કંપનીઓ નથી આપતી નોકરી
• સરકારી રાહત લીધા બાદ નથી પાળતા નિયમો
• મારુતિ,હોન્ડા કંપનીના ઠાગાઠૈયા

ગુજરાતમાં સ્થાનિકોને નોકરી આપવા માટે મોટી કંપનીઓએ ઠાગાઠૈયા કરતી હોય તેવું સામે આવ્યું છે. 

સરકારી રાહતો લીધા બાદ મોટી કંપનીઓ નિયમો નથી પાળતી

ગુજરાતમાં સ્થાનિકોને નોકરી માટે મારુતિ, હોન્ડા કંપની ઠાગાઠૈયા કરી રહી છે. ગુજરાતમાં સ્થપાતા ઉદ્યોગોએ 85% સ્થાનિકોને નોકરી આપવાની હોય છે. પરંતુ મેનેજર-સુપરવાઈઝર પોસ્ટમાં 25% જ સ્થાનિકોને નોકરી મળી છે. જ્યારે કામદારોમાં 40% સ્થાનિકોને જ નોકરી અપાઈ છે. એટલે કે સરકારી રાહતો લીધા બાદ મોટી કંપનીઓ નિયમો નથી પાળતી. 

1995ના પરિપત્રના અમલ પર સરકારે ગોળગોળ જવાબ આપ્યો

બહુચરાજીના ધારાસભ્યએ વિધાનસભામાં પણ આ સવાલ કર્યો હતો. ત્યારે 1995ના પરિપત્રના અમલ પર સરકારે ગોળગોળ જવાબ આપ્યો હતો. વિધાનસભામાં સરકારે કહ્યું હતું કે અમે કંપનીને 2 વર્ષમાં 4 પત્ર લખી ધ્યાન દોર્યુ હતું.

ઉઠી રહ્યા છે પ્રશ્નો

• ત્યારે શું માત્ર પત્ર લખવાથી જ કામગીરી પૂર્ણ થઇ જશે?
• શું સરકાર પાસે આ સમસ્યાનું નિરાકરણ નથી?
• આવી કંપનીઓ સામે કેમ પગલા નથી લેવાતા?