અમદાવાદઃ ગુજરાતની કોયલ કંઠી કિંજલ દવે પ્રથમ વખત રુપેરી પડદે હવે ફિલ્મમાં દેખાશે. કિંજલ ગીતો પછી પ્રથમ વખત સિનેમામાં પણ ઝંપલાવ્યુ છે. તેમની 8 નવેમ્બરે 'દાદા હો દિકરી' ફિલ્મ રિલીઝ થઈ રહી છે ત્યારે તેઓએ વીટીવી સાથે વાત કરતા કહ્યું કે આ ફિલ્મામાં તેઓએ એક્ટિંગની સાથે ત્રણ ગીતો પણ ગાયા છે. કિંજલે ફિલ્મની વાતો સાથે સાથે વીટીવીના દર્શકોને દિવાળીની પણ શુભકામનાઓ આપી હતી.
કિંજલ દવેએ જણાવ્યું કે મને મુવીને લઇને એક્સાઇમેન્ટ પણ છે ગીતોને પ્રતિસાદ આપ્યો તો મુવીને પણ પ્રતિસાદ મળે.
ફિલ્મમાં શું સંદેશો?
તેમણે કહ્યું કે એક સોશિયલ સ્ટોરી દાદા અને દિકરી વચ્ચેનો ખાટોમીઠો સંબંધ બતાવ્યો છે. આખી ફેમિલી સાથે જોઇ શકે તેવી મુવી છે. આ ફિલ્મ છોકરીઓ માટેનો મેસેજરૂપ છે. વધુમાં જણાવ્યું કે આ મુવીમાં કુલ 4 સોંગ છે જેમાંથી 3 સોંગ મેં ગાયા છે.