છેતરપિંડી / આ ગુજરાતી ડાયરેક્ટરે મહિલાની 18 લાખની ગાડીનો 8 લાખમાં કરી દીધો વહીવટ, જાણો કેવી રીતે ફૂટ્યો ભાંડો

• અમદાવાદ જાણીતા ફિલ્મ ડાયરેક્ટર યશ વૈધ વિરુદ્ધ ફરિયાદ
• ઈવેન્ટનું કામ કરતી મહિલાની ગાડી ભાવનગરના મામલતદારને વેચી
• 18 લાખની ગાડી 8 લાખમાં વેચી

ફિલ્મ ડાયરેક્ટર યશ વૈધે મહિલા સાથે કરી છેતરપીંડી

નીતાબેને વર્ષ 2018માં ક્રેટા કાર ખરીદી હતી જેને ડાયરેક્ટર યશ વૈધે બારોબાર વેચી દીધી હતી. યશ વૈધ અને નીતાબેન એક ઇવેન્ટમાં પરિચયમાં આવ્યા હતા.. બન્ને અનેક ઇવેન્ટ અને ફિલ્મોમાં કામ કર્યું છે. જેથી યશએ હૈદરાબાદમાં વેબસીરીઝ બનાવવાની હોવાનું કહીને વીસ દીવસ માટે ક્રેટા કાર નીતાબેન પાસેથી લઇ ગયો હતો. 

18 લાખની કાર 8 લાખમાં વેચી 

પરંતુ હૈદરાબાદના બદલે ભાવનગરમાં જઈને ખોટા દસ્તાવેજના આધારે મામલતદાર અલ્પેશ ભટ્ટને 18 લાખની ગાડી 8 લાખમાં વેચી દીધી અને આ પૈસાથી સુરતમાં ઓફીસ અને ઘર ભાડે લીધું અને 6 લાખની પોતાની નવી ગાડી ખરીદી હોવાનું ખુલ્યું છે. 

RTO એપ પરથી ખબર પડી કે બારોબાર થયો ગાડીનો વહીવટ

ઠગ ડાયરેકટ ગાડી લઈ જઈને ફોન બંધ કરી દેતા નીતાબેનને શંકા જતા તેમને RTOની એપ્લીકેશન ચેક કરી હતી. જેમાં તેમને જાણવા મળ્યુ હતું કે ક્રેટા કારનો વીમો ભરાયો છે. નીતાબેન વીમા કંપનીમાં જઇને તપાસ કરી તો મુકેશ બ્રહ્મભટ્ટ નામના એજન્ટે વિમો ભર્યો છે. નીતાબેને મુકેશને ફોન કરીને પૂછ્યું તો આ કાર ભાવનગરમાં રહેતા અલપેશ ભટ્ટના નામે ટ્રાન્સફર કરવાની છે. જે ભાવનગરમાં મામતદાર છે. નીતાબેને  તેમનો સંપર્ક કર્યો તો ખબર પડી કે યશએ નિતાબેનને પત્ની બનાવીને ખોટા દસ્તાવેજ બનાવીને  આઠ લાખ રૂપિયામાં આ કાર નોટરી કરીને વેચી દીધી છે. હાલ તો પોલીસે આ મામલે ગુનો નોંધીને વધુ તપાસ હાથ ધરી છે.