ગુજરાતી ફિલ્મો છેલ્લાં કેટલાક સમયથી ધૂમ મચાવી રહી છે. ત્યારે ફરી એકવાર દમદાર ગુજરાતી ફિલ્મ આગામી 17 જાન્યુઆરીના રોજ સિનેમા રજૂ થવાની છે. માયશા ફિલ્મસ, મોરી ગ્રુપ અને સીઝારા સીને આર્ટ સ્ટુડિયો દ્વારા આ અપકમિંગ ગુજરાતી ફિલ્મ 'બાબુભાઇ સેન્ટિમેન્ટલ'નું ટ્રેલર દર્શકોએ ખુબ જ વખાણ્યું છે. આ એક્શન થ્રિલર ફિલ્મની જે આતુરતાપૂર્વક રાહ જોવાઈ રહી છે તેનો આવતી કાલે અંત આવશે. કાલે ફિલ્મ જોવા જાઓ તે પહેલા જાણી લો કે ફિલ્મ શેના વિષે છે!
બાબુભાઇ સેન્ટિમેન્ટલ ફિલ્મમાં એક્શનની સાથે સાથે એડવેન્ચર અને ડ્રામાથી ભરપૂર ફિલ્મ છે. બાબુભાઇ સેન્ટિમેન્ટલ"ના મુખ્ય કલાકારોમાં નક્ષરાજ કુમાર તથા શિવાની જોશી છે. ઉપરાંત, નિસર્ગ ત્રિવેદી, કમલ સિસોદિયા તથા મયુર ચૌહાણ પણ મહત્વની ભૂમિકાઓમાં નજરે પડશે. મિલન શર્મા દ્વારા ડાયરેક્ટ કરવામાં આવેલ આ ફિલ્મનું લેખન રાજ રાઠોડ દ્વારા કરવામાં આવ્યું છે, જ્યારે ફિલ્મના પ્રોડ્યૂસર્સ નિધિ મોરી અને વીના શર્મા છે.
17 જાન્યુઆરી, 2020ના રોજ થશે રિલીઝ
ફિલ્મમાં સ્પેશિયલ ઇફેક્ટ્સ અને એડિટિંગ ખૂબ જ મહત્વનું છે જે અમિત પટેલ દ્વારા કરવામાં આવ્યું છે. ફિલ્મનું મ્યુઝિક હિતેશ- વિવેકની જોડીએ આપ્યું છે. "બાબુભાઇ સેન્ટિમેન્ટલ" 17 જાન્યુઆરી, 2020ના રોજ સિનેમાઘરોમાં રિલીઝ થઇ રહી છે.
આ ફિલ્મની ટિકિટો હાલ જ બુક કરાવી લો! કાલે આ ફિલ્મ માટે તમારા સિનેમાઘરોની બહાર હાઉસફૂલના પાટિયા લટકતા હશે! આ ફિલ્મની ટિકિટો તમે PayTM અથવા BookMyShow જેવી મોબાઈલ એપથી પ્રિ બુક કરાવી દો. સહપરિવાર અને મિત્રો સાથે બંને રીતે માણી શકાય તેવી આ ફિલ્મ મિસ કરવા જેવી નથી.
શું છે પટકથા
બાબુભાઇ સેન્ટિમેન્ટલ ફિલ્મમાં ગામડાની અને કોલેજની વાર્તા દર્શાવવામાં આવી છે. જેમાં મુખ્ય નાયક ગામડાનો સીધો સાદો માણસ તરીકે જોવા મળે છે. જેના પહેરવેશમાં કેડિયું અને માથે લાલ પાઘડી જોવા મળી છે જે ખાટલાના પાયાને હથિયાર તરીકે ઉપયોગ કરે છે અને એટલે જ આ ફિલ્મ લોકોને ખુબ જ ગમશે.
ફિલ્મમાં મુખ્ય નાયક ગામડાથી એક સીધા સાદા માણસ તરીકે મોટા શહેરની ફેન્સી કોલેજમાં એડમિશન લે છે. આ કથામાં ભૂતકાળનું તેના પરિવારને લગતું એક વેર પણ સંકળાયેલું છે જેના માટે તેણે ફિલ્મના વિલન એક શક્તિશાળી પાત્ર દિવાકર શેઠ સાથે બદલો લેવાનો છે.
આ સમગ્ર વાર્તા એક્શનપેક્ડ અને શ્વાસ થંભાવી દે તેવા એક્શન સીન્સથી ભરપૂર છે.
ખાટલાના પાયાનો હથિયાર તરીકે ઉપયોગ લોકોને ગમશે
સાઉથ ફિલ્મના રસિયાઓ નાયકની વિવિધ સ્ટાઇલ પર સીટીઓ વગાડતા હોય છે ત્યારે અસ્સલ ગામઠી ઠાઠમાં જોવા મળતો ફિલ્મનો એકદમ ગુજરાતી નાયક હથિયાર તરીકે ખાટલાના પાયાનો ઉપયોગ કરે છે. ખાટલાના પાયાનો એક્શન સીનમાં પ્રથમ વખત આ રીતે ઉપયોગ દર્શકોમાં ચર્ચાનો વિષય બન્યો છે અને લોકો તેને વખાણી પણ રહ્યા છે.