ગજબ પ્રેમ કહાની / ગુજરાતમાં એક મહિલાને બેવફા લેડી ડોન સાથે થયો પ્રેમ અને પછી...

• ગુજરાતમાં એક મહિલાને બેવફા લેડી ડોન સાથે થયો પ્રેમ  
• સજાતીય સંબધનો એ અનોખો કિસ્સો સામે આવ્યો છે
• કાની એક મહિલા લેડી ડોનના ગળાડૂબ પ્રેમમાં હોવાનો કિસ્સો સામે આવ્યો છે 

ધોળકામાં રહેતી બે દીકરાની માતા પાડોશમાં રહેતી લેડી ડોનના સંપર્કમાં આવી હતી અને દોસ્તી બંધાઈ આ દોસ્તી પ્રેમમાં પરિણમી અને અજબ પ્રેમ કી ગજબ કહાની જેવો કન્ફ્યુઝન ઉભુ થયું. 

પતિએ તેને ઘરમાં ઘુસવા ન દીધી અને કાઢી મૂકી

ગીતાને 17 અને 21 વર્ષનો એમ બે દીકરા છે પણ છેલ્લા 8 મહિનાથી એ પાડોશીના પ્રેમમાં છે અને ખુલ્લે આમ પ્રેમી-પંખીડાની જેમ બાઈક પર ફરતા હતા. ગીતાના પતિ અને દીકરા તેને વારંવાર ઘરે પરત ફરવા કહેતા પણ ગીતા લેડી ડોનના પ્રેમમાં હોવાને કારણે પરત ફરી નહોતી પણ છેવટે ક્યાં કહેગેં લોગ સબ સે બડા રોગની જેમ કંટાળીને તે ઘરે પરત ફરી હતી. પણ પાડોશણ સાથે પ્રેમ ફાગ ખેલ્યા બાદ પતિએ તેને ઘરમાં ઘુસવા ન દીધી અને કાઢી મૂકી. 

હેલ્પલાઈનમાં ફોન કર્યો

ગીતા પતિના ઘેરથી કાઢી મુકાયા બાદ પોતાના પિયર પહોંચી ત્યારે પરિજનોએ તેને સહારો ન આપ્યો પણ ત્યાંથી નીકળી જઈ જે કરવું હોય તે કર તેમ કહી દીધુ. આખરે મહિલાએ અભયમ હેલ્પલાઈનમાં ફોન કર્યો અને મદદ માંગી ત્યારે સમગ્ર કિસ્સો સામે આવ્યો છે. 
 
બેવફા લેડી ડોને ગામની અનેક યુવતીને ફસાવી

ધોળકામાં રહેતી લેડી ડોન સાથે જે યુવતીઓ સંપર્કમાં આવતી હતી તે તેની દિવાની થઈ જતી અને તેની જ બનીને રહી જતી. પુરુષની જેમ જ રહેતી લેડી ડોન ગામની છોકરીઓને છોકરાની જેમ જ પટાવીને બાઇક પર બેસાડીને ફરવા લઇ જાય છે. લેડી ડોન અન્ય છોકરીઓને પણ પ્રેમિકાની જેમ ફેરવતી હતી.

ગીતા દીકરાઓને કારણે ઘરે પાછાં આવ્યાં હતાં. શરૂઆતમાં તો બધું સરખું ચાલ્યું પણ થોડા દિવસમાં લેડી ડોન સાથે સંબંધો ફરીથી ચાલુ રહેતાં તેમના પતિએ ઘર બહાર કાઢી મૂક્યા હતા. આખરે કંટાળીને તેમનાં માતા-પિતાના ઘરે રહેવા ગયાં હતાં, પણ તેમણે તેમને કૂવો-હવાડો કરજે પણ અહીં ના આવતી તેવું કહેતાં હેલ્પલાઇનને ફોન કર્યો હતો અને પોતાની આપવીતી વર્ણવી હતી.

(નામ બદલેલ છે)