KBC / ગુજરાતની આ મહિલાને પૂછાયો 50 લાખનો પ્રશ્ન, પછી જાણો શું બન્યું?

કેબીસીની સિઝન 11 માં ઘણા લોકો સારી રકમ જીતી ચુક્યા છે. 19 વર્ષના હિમાંશુ ધૂરિયા બાદ ગુજરાતની એક મહિલા પણ 25 લાખની રકમ સાથે પરત ફરી છે. હિમાંશુના 1 કરોડના પ્રશ્ન પર ક્વિટ કર્યા બાગ હૉટસીટ પર ડૉ કૃપા મેહુલભાઇ દેસાઇ પહોંચી હતી. એમને 50 લાખના પ્રશ્નનો સાચો જવાબ ખબર ના હોવાને કારણે ગેમ છોડી દીધી અને 25 લાખ જીતવામાં સફળ રહી.

ડૉ કૃપાને 50 લાખના પ્રશ્ન માટે પૂછવામાં આવ્યું હતું કે માનવ નિર્મિત પહેલું પ્લાસ્ટિક કયું હતું? આ પ્રશ્નનો સાચો જવાબ પાર્કસીન હતો. આ પ્રશ્ન પર એ ખૂબ મૂંઝવણ જોવા મળ્યા અને અંતે તે 25 લાખની સાથે ઘરે જવાનો નિર્ણય કર્યો. એમની પાસે કોઇ લાઇફ લાઇન પણ બચી નહતી. આ ઉપરાંત 25 લાખ માટે એમને પ્રશ્ન પૂછવામાં આવ્યો હતો કે વાલ્મીકિ રામાયણ અનુસાર વિભીષણની પત્ની કોન હતા? આ પ્રશ્નનો સાચો જવાબ સરમા હતો અને ડૉ કૃપા આ પ્રશ્નનો સાચો જવાબ આપવામાં સફળ રહી હતી. 

આ પહેલા 19 વર્ષના કન્ટેસ્ટેન્ટ હિમાંશુ ધૂરિયા એક કરોડની રકમ જીતતા ચૂકી ગયા હતા. એમને જોરદાર રીતે ગેમ રમી અને 14 પ્રશ્નોના સાચા જવાબ આપ્યા પરંતુ એક કરોડના પ્રશ્ન પર તેઓ દુવિધામાં આવી ગયા. એમની લાઇફલાઇન પણ પૂર્ણ થઇ ગઇ હતી એટલે રિસ્ક ના લેતા એમને ગેમ છોડવાનું યોગ્ય માન્યુ અને એ 50 લાખ રૂપિયા જીતવામાં સફળ રહ્યા. હિમાંશુએ એવું પણ જણાવ્યું કે એમની આ જીતમાં એમના પરિવારથી લઇને મિત્રો તમામ લોકોનો સાથ હતો. જો કે હિમાંશુ ગેમની શરૂઆતમાં ખૂબ નર્વસ હતા અને એમને પહેલા જ પ્રશ્ન પર લાઇફ લાઇનનો ઉપયોગ કર્યો હતો પરંતુ ત્યારબાદ એમને શાનદાર રમતા 50 લાખ સુધી જીત્યા હતા અને સાથે જે એમને ફાસ્ટેસ્ટ ફિંગર ફસ્ટના મામલે પણ રેકોર્ડ પોતાને નામએ કર્યો હતો.