રાજ્યના હવામાન વિભાગ દ્વારા આગાહી કરવામાં આવી છે કે, આગામી દિવસોમાં એક સપ્તાહ સુધી અમદાવાદ સહિત રાજ્યભરમાં ગરમીનો પ્રકોપ વધશે.
રાજ્યમાં કાળઝાળ ગરમીનો પ્રકોપ
2 દિવસ હિટવેવની આગાહી
5 શહેરોનું મહત્તમ તાપમાન 42 ડિગ્રીને પાર
રાજ્યમાં કાળઝાળ ગરમીનો પ્રકોપ
રાજ્યમાં ગરમીની આંશિક રાહત બાદ ફરી ગરમીમાં વધારો થવા લાગ્યો છે. બીજી તરફ હવામાન વિભાગ દ્વારા આગાહી કરવામાં આવી છે કે, આગામી દિવસોમાં રાજ્યભરમાં ગરમીનો પ્રકોપ વધશે. તેમજ અમદાવાદ સહિત આસ-પાસના વિસ્તારોમાં યલો એલર્ટની આગાહી કરવામાં આવી છે. જેને લીધે લોકો ત્રાહિમામ ગરમી સહન કરવી પડશે.
સૌરાષ્ટ્ર અને કચ્છમાં 2 દિવસ હિટવેવની આગાહી
આ સાથે સૌરાષ્ટ્ર અને કચ્છમાં ગરમીની વધુ અસર વર્તાશે. તેમજ આગામી દિવસમાં ગરમીનો પ્રકોપ 2 થી 3 ડિગ્રી વધી શકે છે. તેના લીધે એક વાત તો સ્પષ્ટ છે કે, રાજ્યમાં બે દિવસ કમોસમી વરસાદના લીધે ગરમીથી આંશિક રાહત થઈ હતી. પરંતુ હવે ફરી ગરમીનો કહેર વધશે
રાજ્યમાં કાળઝાળ ગરમીના પ્રકોપના કારણે 5 શહેરોનું તાપમાન 42 ડિગ્રીને પાર
ઉલ્લેખનીય છે કે, છેલ્લા બે દિવસો દરમિયાન રાજ્યના વાતાવરણ અચાનક પલટો આવતા અનેક શહેરોમાં વરસાદી માહોલ સર્જાયો હતો. તેના લીધે ઉનાળામાં ગરમીની જગ્યાએ રાજ્યમાં ઠંડક પ્રસરી ગઈ હતી. જેના લીધે ગરમીથી બે દિવસ લોકોને રાહત મળી હતી. જો કે, વાતાવરણમાં પુનઃ વાદળો હટતાની સાથે ગરમીનો પ્રકાપ શરૂ થવા લાગ્યો છે. બીજી તરફ શુક્રવારે રાજ્યના 5 શહેરોનું મહત્તમ તાપમાન 42 ડિગ્રીને પાર પહોંચી જવા પામ્યું હતું. જેમાં ગાંધીનગર, અમરેલી, રાજકોટ, કંડલા, કેશોદમાં 42 ડિગ્રી જ્યારે અમદાવાદમાં 41.9,વડોદરામાં 41.4 ડિગ્રી તાપમાન નોધાયું હતું.