આગાહી / ગુજરાતમાં ભારે વરસાદ માટે  રાહ જોવી પડશે, હવામાન વિભાગની આગાહીથી ખેડૂતોની ચિંતા વધશે

• ગુજરાતમાં ભારે વરસાદ માટે હજુ જોવી પડશે રાહ
• અમદાવાદ, ગાંધીનગરમાં પણ વરસાદી ઝાપટાની આગાહી
• ગુજરાતમાં અત્યાર સુધીમાં સરેરાશ 19.65 ટકા વરસાદ થયો

રાજ્યમાં જૂન મહિના બાદ વરસાદ પાછો ખેંચાયો હતો જે બાદ જુલાઈમાં મેઘરાજાએ કેટલાક જિલ્લાઓ અને તાલુકાઓમાં મેઘમહેર કરી જોકે હજુ જૂલાઈ મહિનાને પૂર્ણ થવાને પખવાડિયું બાકી છે ત્યારે વરસાદ ફરી પાછો ખેંચાયો છે. 

રાજ્યના ભારે વરસાદ માટે જોવી પડશે રાહ 

હવામાન વિભાગે આગાહી કરતા જણાવ્યું કે ગુજરાતમાં ભારે વરસાદ માટે હજુ રાહ જોવી પડી શકે છે હવામાન વિભાગ મુજબ હાલ ગુજરાતમાં ભારે વરસાદની શક્યતાઓ નહીવત છે જોવાઈ રહી છે. જોકે કેટલીક જગ્યાએ છુટો છવાયો વરસાદ પડી શકે છે. આગાહી મુજબ હજુ પણ  વરસાદી સિસ્ટિમ સક્રિયા ન થતા ભારે વરસાદની શક્યતાઓ ઓછી વર્તાઈ રહી છે. 

વરસાદી સિસ્ટમ સક્રિય ન થતા જોવી પડશે રાહ

જ્યારે આગામી ત્રણ દિવસ સુધી સૌરાષ્ટ્ર અને દક્ષિણ ગુજરાતમાં મધ્યમથી હળવો વરસાદ રહી શકે છે. જ્યારે ઉત્તર ગુજરાતમાં અને મધ્ય ગુજરાતના ગ્રામ્ય પથંકોમાં હળવા વરસાદની શક્યતાઓ જોવાઈ રહી છે. 

સૌરાષ્ટ્ર-દ.ગુજરાતમાં 3 દિવસ હળવાથી મધ્યમ વરસાદ

જ્યારે અમદાવાદ, ગાંધીનગર સહિત મોટા જિલ્લાઓમાં પણ વરસાદ પડે તેવી હવામાન વિભાગે આગાહી કરી છે. જ્યારે બનાસકાંઠા,સાબરકાંઠા,અરવલ્લી,પાટણમાં સામાન્ય વરસાદની આગાહી કરવામાં આવી છે. પરતું હવામાન વિભાગની આગાહી પ્રમાણે વરસાદ ફરી પાછા ખેંચાતા હવે ગરમીનો અહેસાસ થઈ રહ્યો છે. જો કે રાજ્યમાં હજુ સિઝનનો સરેરાશ વરસાદ 19.65 ટકા વરસાદ નોંધાયો છે.