કાશ્મીરમાં નજીક પશ્ચિમી સર્ક્યૂલેસનને કારણે વાતાવારણમાં અચાનક પલટો આવ્યો છે. સવારે અને મોડી રાતે ઠંડીનો અહેસાસ થાય છે અને બપોરે પંખો કરવો પડે તેવી ગરમી અનુભવાય છે ત્યારે હવામાન વિભાગે માવઠું પડવાની પણ આગાહી વ્યક્ત કરી છે.
કાલથી વાતાવરણ પલટાશે
શિયાળામાં થશે ગરમીનો અહેસાસ
25થી 27 ફેબ્રુઆરી સુધી માવઠાની આગાહી
હવામાન વિભાગે જણાવ્યું હતું કે, આવતીકાલથી રાજ્યના વાતાવરણમાં પલટો આવશે. શિયાળાની ઋતુમાં પણ ગરમીનો અહેસાસ થશે. શિયાળો વિદાય લે તે પહેલા જ ગરમીની શરૂઆત થશે. 3 દિવસ પ્રજાએ ગરમીનો સામનો કરવો પડશે. તો 25થી 27 ફેબ્રુઆરી સુધી સામાન્ય માવઠાની આગાહી કરવામાં આવી છે.
રાજ્યના 2 સિઝનનો અહેસાસ
ગુજરાતમાં હાલ ઠંડીની સિઝન પૂર્ણ થવાને આરે છે. જો કે, ઉનાળાની શરૂઆત પહેલા જ ગરમીનો માહોલ જોવા મળી રહ્યો છે. ખાસ કરીને બપોરના સમયે લોકો ગરમીનો અહેસાસ કરી રહ્યા છે તો વળી કેટલાક લોકો પંખાનો પણ સહારો લઈ રહ્યા છે.
માવઠાની આગાહી
એક તરફ ગરમી અને ઠંડીના અહેસાસ વચ્ચે હવામાન વિભાગે માઠા સમાચાર આપ્યા છે. હવામાન વિભાગે આગાહી કરી હતી કે, આગામી 25થી 27 ફેબ્રુઆરી સુધી રાજ્યમાં સામાન્ય માવઠાની અસર જોવા મળી શકે છે. જો કે, હવામાન ખાતાની આગાહીને કારણે ખેડૂતોમાં ચિંતાનો માહોલ જોવા મળ્યો હતો.
કાશ્મીર નજીક પશ્ચિમી સર્ક્યૂલેસનની વાતાવરણ પર અસર
કાશ્મીર નજીક પશ્ચિમી સર્ક્યૂલેસન આગળ વધી રહ્યું છે. જેના કારણે દિલ્હી, હરિયાણા, પંજાબમાં તાપમાનનો પારો ઉચકાયો છે. તો પૂર્વ અને પૂર્વોત્તર રાજ્યોમાં વાતાવરણ શુષ્ક બનશે. જો કે આવતીકાલથી વાતાવરણ શુષ્ક બની શકે.
વાતાવરણમાં થઇ રહેલા ફેરફારને કારણે ખેડૂતોને પહોંચી રહ્યું છે નુકસાન
ખેત ઉત્પાદનમાં નુકસાન થઈ રહ્યુ છે. સિઝનનો માર મોલ ઉપર પડી રહ્યો છે. કુદરતના વાતાવરણમાં થઈ રહેલા ફેરફારને કારણે ખેડૂતોને સૌથી વધુ નુકસાન પહોંચી રહ્યુ છે આ વખતે કચ્છની કેસર આમે મોડી આવે છે ત્યારે આ વખતની સિઝનને જોતા તે હજુ બે મહિના મોડી પડશે.