હવામાન વિભાગ / રાજ્યના વાતાવરણમાં પલટો..! ક્યાંક કાળા ડિંબાગ વાદળો તો ક્યાંક વરસાદની એન્ટ્રી

• રાજ્યમાં ફરી વાતાવરણમાં પલટો
• 2 દિવસ હળવા ઝાપટાની આગાહી
• કાંઠા વિસ્તારમાં પડી શકે છે વરસાદ

રાજ્યમાં વહેલી સવારથી અમદાવાદ સહિતના વિસ્તારોમાં વાતાવરણમાં પલટો જોવા મળ્યો છે. મહીસાગરમાં પણ વાતાવરણમાં પલટો જોવા મળ્યો છે. કમોસમી વરસાદની ભીતિએ ખેડૂતોની ચિંતામાં વધારો થયો છે. આ તરફ દ્વારકામાં વાદળછાયા વાતાવરણ વચ્ચે વરસાદની એન્ટ્રી થઇ છે.
 

જો કે વરસાદ થતાં પાકને નુકસાન થવાની ચિંતા વધી છે. જ્યારે મધ્ય ગુજરાતનું વાતાવરણ બદલાયું છે. વડોદરામાં ઠંડા પવન સાથે વાદળો ઘેરાયા છે.  સુરતમાં પણ સવારથી સંકટના વાદળો ઘેરાયા છે. હવામાન વિભાગની આગાહી મુજબ કાંઠા વિસ્તારમાં વરસાદ પડી શકે છે. વરસાદની આગાહીથી ખેડૂતોની ચિંતામાં વધારો થયો છે.

મહીસાગરમાં વહેલી સવારે ધુમ્મસભર્યુ વાતાવરણ

મહીસાગરમાં આજે વહેલી સવારથી ઘુમ્મ્સભર્યું વાતાવરણ છવાયું છે. ગાઢ ધુમ્મસના કારણે વિઝિબિલિટી ઝિરો જોવા મળી. વિઝિબિલિટી ઘટતા વાહનચાલકોને વાહન ચલાવમાં મુશ્કેલી પડેલી જોવા મળી હતી. ગાઢ ધુમ્મસનાં કારણે ઠંડીમાં પણ વધારો થયો છે. બીજી બાજૂ વાતાવરણમાં પલટો આવતા ખેડૂતોની ચિંતામાં વાધારો થયો છે.

 

દ્વારકામાં અચાનક વાતાવરણમાં પલટો

દ્વારકામાં આજે વહેલી સવારથી સમગ્ર પંથકમાં વાદળ છાયું વાતાવરણ છવાયું છે. અચાનકથી વાતાવરણમાં પલટો આવતા વરસાદના ઝાપટા પડ્યા છે. વધુ એકવાર કમોસમી વરસાદથી ખેડૂતોની ચિંતામાં વધારો થયો છે. ચોમાસું પાક બગડ્યા બાદ હવે આ કમોસમી વરસાદ શિયાળું પાક પણ બગાડે તેવું લાગી રહ્યું છે. કમોસમી વરસાદને લઈને જીરા,ધઉ,ધાણાના પાકને ભારે નુકસાન થઈ શકે છે. જેથી ખેડૂતોની ચિંતામાં વધારો થયો છે.