ચોમાસાને લઈને પરંપરાગત હવામાન જાણકાર અંબાલાલ પટેલે વરસાદની આગાહી કરી છે. 25 જુલાઈ સુધી દક્ષિણ ગુજરાતમાં મધ્ય અને ઉત્તર ગુજરાતમાં વરસાદ પડવાની આગાહી કરવામાં આવી છે.
ઉત્તર ગુજરાતમાં વરસાદ થવાની વકી
28થી 29 જુલાઈ દરમિયાન ઉત્તર ગુજરાતમાં વરસાદ પડવાની આગાહી કરવામાં આવી છે. સાબરકાંઠા સહિત ઉત્તરગુજરાતમાં ભારે વરસાદની આગાહી કરવામાં આવી છે. તો અંબાલાલ પટેલે દક્ષિણ ગુજરાતમાં પણ 28થી 29 જુલાઈ દરમિયાન વરસાદની આગાહી કરી છે.
રાજ્યમાં ફરી એકવાર વરસાદી સિસ્ટમ સક્રીય થઈ ગઈ છે. હવામાન વિભાગનું માનીએ તો દક્ષિણ-ઉત્તર ગુજરાત અને પૂર્વ મધ્ય ગુજરાતમાં ભારે વરસાદ થઈ શકે છે. આગામી 5 દિવસ રાજ્યમાં વરસાદી માહોલ રહી શકે છે. બંગાળની ખાડીમાં સાયક્લોનિક સર્ક્યુલેશન સિસ્ટમ સક્રીય થઈ છે.
જેના કારણે 26 થી 28 જુલાઈ દરમિયાન રાજ્યમાં ભારે વરસાદ વરસી શકે છે. બંગાળની ખાડીમાંથી સર્જાયેલી અપર એરસાયક્લોનિક સિસ્ટમ ગુજરાત તરફ આગળ વધી રહી છે. અને 26 જુલાઈથી 29 જુલાઈ સુધી ગુજરાત પર લો-પ્રેસર રહેશે.
ભાવનગરમાં મોસમે બદલ્યો મીજાજ
રાજ્યમાં ફરી એકવાર વરસાદી સિસ્ટમ સક્રીય થઈ ગઈ છે. હવામાન વિભાગનું માનીએ તો દક્ષિણ-ઉત્તર ગુજરાત અને પૂર્વ મધ્ય ગુજરાતમાં ભારે વરસાદ થઈ શકે છે. તો ભાવનગરમાં અચાનક વાતાવરણમાં પલ્ટો આવતો દરિયા કિનારાના વિસ્તારમાં વરસાદનું આગમન થયુ છે.
લાંબા સમય બાદ વરસાદ આવતા ખેડૂતોમાં ખુશીનો માહોલ જોવી મળી રહ્યો છે. વાવણી બાદ ખેડૂતો વરસાદની કાગડોળે રાહ જોઇ રહ્યા હતા. વરસાદ આવતા ખેડૂતોના પાકને જીવત દાન મળ્યું છે.
રાજધાની દિલ્હીમાં રેડ એલર્ટ
દિલ્હી હવામાન વિભાગે વરસાદને લઇ રેડ એલર્ટ જાહેર કર્યું છે. આગામી સપ્તાહમાં વરસાદની સ્થિતિને લઇ દિલ્હી હવામાન વિભાગે આગાહી કરી છે. જેમાં ઉત્તર ભારતના કેટલાક રાજ્યોમાં ભારે વરસાદ પડે તેવી શક્યતા છે. જેમં હિમાચલ, જમ્મુ-કશ્મીર અને ઉત્તરાખંડમાં પણ ભારે વરસાદની આગાહી કરી છે.
મહારાષ્ટ્ર અને ગુજરાતમાં આજે અને કાલે સારા વરસાદની શક્યતા છે. ત્યારે આગામી 26, 27 અને 28 તારીખે મોટાભાગના રાજ્યોમાં વરસાદ પડી શકે છે. જેમાં ગોવા, મણિપુર, મિઝોરમ, ત્રિપુરા, બિહાર, ઝારખંડમાં ભારે વરસાદની શક્યતા છે. જ્યારે સિક્કમ, હરિયાણા, પંજાબ, એમપી, છત્તીસગઢમાં પણ વરસાદની આગાહી કરાઇ છે.