રાજ્યમાં હવામાન વિભાગે વરસાદને લઇ આગાહી કરી છે. જેમાં આગામી 4 દિવસમાં વરસાદની આગાહી છે. રાજ્યમાં 11 જૂને ભારે વરસાદ પડી શકે છે. સૌરાષ્ટ્ર, દક્ષિણ ગુજરાતમાં ભારે વરસાદની આગાહી કરાઇ છે. જ્યારે ઉત્તર ગુજરાતમાં પણ ભારે વરસાદ પડી શકે છે. આ ઉપરાંત 2 દિવસ સુધી સૌરાષ્ટ્રમાં ભારે વરસાદની આગાહી કરવામાં આવી છે.
રાજ્યમાં હવામાન વિભાગની વરસાદને લઈને આગાહી
આગામી 4 દિવસ રાજ્યમાં વરસાદની આગાહી
રાજ્યમાં 11 જૂને ભારે વરસાદની આગાહી
અહીં પડશે વરસાદ
સાબરકાંઠા, બનાસકાંઠા, અરવલ્લીમાં વરસાદ પડી શકે છે. જ્યારે પંચમહાલ, અમદાવાદ, વલસાડમાં વરસાદની આગાહી છે. આ ઉપરાંત ડાંગ, નવસારી, અમરેલી અને બોટાદ, ગીર સોમનાથ, રાજકોટ ,કચ્છમાં વરસાદની આગાહી કરવામાં આવી છે.
ગુજરાતમાં આગામી 4 દિવસ વરસાદી માહૌલ રહેશે. હવામાન વિભાગે આગાહી કરે છે કે હજુ વરસાદ આવશે. ગુજરાતમાં ચોમાસું સમયસર બેસવાના હવામાન વિભાગ દ્વારા સંકેત આપવામાં આવ્યા છે.
શું કહે છે વિજિન કુમાર
ગઈકાલે હવામાન વિભાગના વૈજ્ઞાનિક વિજીન કુમારે જણાવ્યું કે, આગામી 5 દિવસ વરસાદી માહોલ રહેશે. બે દિવસ સુધી સૌરાષ્ટ્રમાં ભારે વરસાદ ની આગાહી છે. તેમણે વધુમાં જણાવ્યુ હતુ કે, બીજી તરફ 5 દિવસ સુધી ઉત્તર ગુજરાત, દક્ષિણ ગુજરાત અને સૌરાષ્ટ્રમાં વરસાદ રહેશે 11 જૂને રાજ્યમાં ભારે વરસાદ ની શક્યત વ્યક્ત કરી હતી.
અહીં પડશે વરસાદ
રાજ્યમાં હવે પ્રિમોન્સૂન એક્ટિવિટીના ભાગરૂપે સાબરકાંઠા, બનાસકાંઠા, અરવલ્લી, પંચમહાલ, અમદાવાદ, વલસાડ, ડાંગ, દમણ દાદરા નગર હવેલી, નવસારી, અમરેલી, બોટાદ, ગીર સોમનાથ, રાજકોટ ,કચ્છમાં વરસાદની આગાહી કરી છે
ગુજરાતના અનેક જિલ્લાઓમાં 10 જૂને પણ ભારે વરસાદની આગાહી
હવામાન વિભાગે જણાવ્યા પ્રમાણે, 'ગુજરાતમાં દક્ષિણ પશ્ચિમથી પશ્ચિમ દિશાનો પવન છે. આગામી પાંચ દિવસ દરમિયાન સુરેન્દ્રનગર, મોરબી, જામનગર, બોટાદ, જુનાગઢ, અમરેલી, કચ્છ, ડાંગ, તાપી, સુરત, વલસાડ, નવસારી, ભરૂચ, નર્મદામાં હળવોથી મધ્યમ વરસાદ પડી શકે છે.' આ ઉપરાંત દાહોદ, સાબરકાંઠા, અરવલ્લી, મહીસાગર, પંચમહાલ, છોટા ઉદેપુર, અમદાવાદ, ખેડા, ગાંધીનગર, બોટાદ, ભાવનગર, અમરેલી, રાજકોટ, જુનાગઢ, નવસારીમાં ગાજવીજ સાથે વરસાદની સંભાવના છે. ગુજરાતના અનેક જિલ્લાઓમાં 10 જૂને પણ ભારે વરસાદની આગાહી કરાઇ છે.
30થી 40 કિલોમીટરની ગતિએ પવન ફૂંકાશે
અમદાવાદ, ગાંધીનગર, બનાસકાંઠા, રાજકોટ, ભાવનગરમાં આજે 30થી 40 કિલોમીટરની ગતિએ પવન ફૂંકાશે. આ સાથે ગાજવીજ સાથે વરસાદની હવામાન વિભાગ દ્વારા આગાહી કરવામાં આવી છે. ગઇકાલે અમદાવાદમાં દિવસ દરમિયાન વાદળછાયું વાતાવરણ રહ્યું હતું અને મોડી રાતે પવન સાથે જોરદાર ઝાપટું પડ્યું હતું.
7થી 9 જૂનનાં આ વિસ્તારમાં પડશે વરસાદ
તારીખ પ્રમાણે વરસાદની વાત કરીએ તો, 7થી 9 જૂનનાં રોજ બનાસકાંઠા, સાબરકાંઠા, અરવલ્લી, મહીસાગર, અમદાવાદ, ગાંધીનગર, મહેસાણા, સુરત, તાપી, ડાંગ, બોટાદ, ભાવનગર, અમરેલી, રાજકોટ, સુરેન્દ્રનગર જિલ્લામાં વરસાદ પડવાની શક્યતાઓ છે.
10 જૂનનાં રોજ આ વિસ્તારનો વારો
જ્યારે 10 જૂનનાં રોજ દાહોદ, સાબરકાંઠા, અરવલ્લી, મહીસાગર, પંચમહાલ, છોટા ઉદેપુર, ખેડા, અમદાવાદ, ગાંધીનગર, બોટાદ, ભાવનગર, અમરેલી, રાજકોટ, જુનાગઢમાં વરસાદની આગાહી કરવામાં આવી છે