ગુજરાતમાં દારૂબંધી છે અને છડે ચોક સરકારી કચેરીઓમાં જ દારૂની બે રોક ટોક મહેફિલો જામે છે. રાજકોટમાં મામલતદારની કચેરીનો મજેદાર વીડિયો વાઈરલ થયો છે. વાંકાનેરના મામલતદાર, નાયબ મામલતદાર, સહિતના વીડિયોમાં કેપ્ચર થઈ ગયા છે. નાયબ મામલતદારની પ્રેમિકાએ પાડેલી રેડમાં રંગીલા મામલતદાર રંગેહાથ પકડાઈ ગયા છે.
મામલતદાર કચેરી કે દારૂની મહેફિલ?
નાયબ મામલતદારની પ્રેમિકાએ ઉતાર્યો વીડિયો
સરકારી અધિકારીઓ કરી રહ્યા હતા મદિરાની મહેફિલ
દારૂબંધીમાં સરેઆમ સરકારી કચેરીઓમાં જ દારૂ પીવાય છે. મામલતદાર હર્ષદ પરમાન, નાયબ મામલતદાર વી.વી.ડૂંડનો વીડિયો વાઈરલ કર્યો છે જેમાં કચેરીમાં જ મદીરાની મહેફિલ માણતા મામલતદારો ઉપર મહિલાએ રેડ પાડી છે અને આખી કચેરીને ફંફોસી નાંખી છે.
અધિકારીઓ નશામાં હતા ચૂર
મહિલાએ જ્યારે કચેરીમાં રેડ પાડી તો કચેરીમાં અધિકારીઓ માણી દારૂની મહેફિલ રહ્યા હતા. વીડિયો બનાવનાર મહિલા વી.વી.ડૂંડની પ્રેમિકા હોવાનું અનુમાન લગાવાઈ રહ્યુ છે.
ડૂંડે મહિલા સાથે અસભ્ય વર્તન કરતા મહિલાએ વીડિયો બનાવ્યો છે.
મહિલાએ ઓફિસમાં ફંફોસી નાંખી આખી
મહિલાએ ઓફિસમાં દારૂની શોધખોળ આદરી હતી. તમામ તીજોરી સહિતના દસ્તાવેજોમાં દારૂની બોટલો શોધતી વીડિયોમાં નજરે પડી રહી છે. આ મહેફિલમાં સસ્તા અનાજની દુકાનદારના અધિકારીઓ મામલતદાર હર્ષદ પરમાર, નાયબ મામલતદાર વી વી ડૂંડ સહિતના અધિકારીઓ કેમેરામાં કેદ થઈ ગયા હતા.
મામલતદાર સામે થશે કાર્યવાહી?
કચેરીમાં જ મદિરાની મહેફિલ માણી રહેલા આ કર્મચારીઓ સામે કાનૂની કાર્યવાહી થશે કે કેમ? તે અંગે પ્રશ્ન ઉઠી રહ્યા છે. વાંકાનેરની આ કચેરી કોઈ કાર્યાલય નહી પરંતુ જાણે પાર્ટી કરવાનું સ્થળ હોય તેવું લાગી રહ્યુ છે.