ગુજરાતમાં એક તરફ કોરોના વાયરસની મહામારીનો કહેર યથાવત જોવા મળી રહ્યો છે. ત્યારે બીજી તરફ રાજ્યભરમાં હાલ તહેવારોની સીઝન ચાલી રહી છે. ત્યારે રોજિંદ જીવનમાં વપરાતી વસ્તુઓ શાકભાજી અને સિંગતેલના ભાવ આસમાને પહોંચી જતા ગૃહિણીઓનું બજેટ ખોરવાયું છે.
શાકભાજીના ભાવ પહોંચ્યા આસમાને
તહેવાર નજીક આવતાં જ સિંગતેલના ભાવમાં ભડકો
સિંગતેલના ભાવમાં 30 રૂપિયાનો થયો વધારો
તહેવાર નજીક આવતાં જ સિંગતેલના ભાવમાં ભડકો
રાજ્યમાં તહેવાર નજીક આવતાં જ સિંગતેલના ભાવમાં તોતિંગ વધારો થયો છે. સિંગતેલના ભાવમાં 30 રૂપિયાનો વધારો થયો છે. સિંગતેલના ડબ્બાના ભાવમાં 30 રૂપિયા વધ્યા છે. નોંધનિય છે કે, છેલ્લા 12 દિવસમાં 125 રૂપિયાનો વધારો થયો છે. હાલ તેલના ડબ્બાનો ભાવ 2260 રૂપિયાએ પહોંચ્યો છે.
શાકભાજીના ભાવ પહોંચ્યા આસમાને
આપના રોજિંદા મેનુમાં વપરાતા શાકભાજીના ભાવ સતત વઘતા ગૃહિણીઓનું બજેટ ખોરવાયું છે. હાલ ડુંગળી સહિતના શાકભાજીના ભાવ આસમાને પહોંચ્યા છે. બટાકાનો ભાવ પ્રતિ કિલો 50 તો ડુંગળીનો ભાવ 80 રૂપિયે કિલો પહોંચ્યો છે. રોજ વપરાતા મોટા ભાગના શાકનો ભાવ હાલ 100 રૂપિયા પાર છે.