વલસાડ નગરપાલિકામાં વિવાદે ચડેલા ભંગારના ટેન્ડરને લઈ હવે મામલો ગરમાયો છે. વલસાડ નગરપાલિકા દ્વારાપાલિકાના ભંગાર વેચવાના ટેન્ડરની પ્રક્રિયામાં નિયમોનું છડેચોક ઉલ્લંઘન કરી અને મળતિયાઓને નીચા ભાવે ભંગાર વેચી અને મસમોટું કૌભાંડ આચર્યા હોવાના આક્ષેપો થઈ રહ્યાં છે.
વલસાડ ભંગાર વેચવાના ટેન્ડરનું કૌભાંડ
ટેન્ડરની પ્રક્રિયામાં ઉલ્લંઘન
કોર્પોરેટર રાજેશ પટેલનો અનોખો વિરોધ
વલસાડ નગરપાલિકાના કથિત ભંગાર કૌભાંડને લઈ વલસાડ નગરપાલિકાના પૂર્વ પ્રમુખ અને વર્તમાન કોર્પોરેટર રાજેશ પટેલ ઉર્ફે રાજુ મરચાએ આજે અનોખો વિરોધ કર્યો હતો. તેઓએ ભંગારીયાનો વેશ ધારણ કર્યો હતો. અને પાલિકા કચેરી પર બેસી ભંગારના ખરીદ વેચાણનું નાટક કર્યુ હતું. આ કૌભાંડમાં તાંબુ પિત્તળ અને લોખંડ સહિતના ધાતુઓનો તમામ ભંગાર અલગ-અલગ ભાવે નહીં પરંતુ એક જ ભાવે વેચી છે. મળતિયાઓ અને એક એજન્સીને ફાયદો કરી કૌભાંડ આચરવામાં આવ્યું હોય તેવા આક્ષેપો કર્યા હતાં.
આ મામલે અગાઉ અનેક વખત પાલિકા શાસકો ને અને ચીફ ઓફિસરને પણ રજૂઆત પણ કરી હતી. સાથે જ વલસાડ પોલીસ માં પણ અરજી કરી અને આ ભંગાર કૌભાંડની તપાસ માટે રજૂઆત કરી છે. તેમ છતાં હજુ સુધી કોઈ કાર્યવાહી ન થતા.
આજે પાલિકાના કોર્પોરેટર રાજુ મરચા અને તેમના સાથીઓએ વલસાડ નગરપાલિકાના પગથીયા પર બેસી ભંગારના ખરીદ-વેચાણમાં નાટક કર્યું હતું... અને વલસાડ નગરપાલિકાના કથિત કૌભાંડ ના મુદ્દે પાલિકા શાસકો પર ગંભીર આક્ષેપો કર્યા હતા. અને આ ભંગાર કૌભાંડની ઊંડાણપૂર્વક તપાસ થાય અને કસૂરવારો સામે કાયદેસરની કાર્યવાહી કરવામાં આવે તેવી માંગ કરી હતી.