ચર્ચા / ગુજરાતમાં અનલોક-3 અંગે CM રૂપાણીની અધ્યક્ષતામાં મળશે બેઠક, કેન્દ્રની ગાઇડલાઇનનો કરાશે અભ્યાસ

• ગુજરાતમાં અનલોક-3ની ગાઈડલાઈન અંગે મળશે બેઠક
• ગાંધીનગરમાં CMની અધ્યક્ષતામાં મળશે બેઠક
• કેન્દ્ર સરકારની ગાઈડલાઈનનો અભ્યાસ કરાશે

કેન્દ્ર સરકાર દ્વારા અનલોક-3ની ગાઇડલાઇન જાહેર કરાયા બાદ આજે રાજ્યના મુખ્યમંત્રી વિજય રૂપાણીની અધ્યક્ષતામાં ગાંધીનગર ખાતે અનલોક-3ની ગાઇડલાઇન અંગે બેઠક મળશે. 

મુખ્યમંત્રી રૂપાણીની અધ્યક્ષતામાં મળનારી આ બેઠકમાં કેન્દ્ર સરકારની ગાઇડલાઇનનો અભ્યાસ કરાશે. જેમાં વેપાર-ધંધા ચાલુ રાખવાના સમય અંગે ચર્ચા કરાશે. 

કેન્દ્ર સરકાર દ્વારા જાહેર કરાયેલ ગાઇડલાઇન મુજબ અનલોક-3માં 5 ઓગસ્ટથી જીમ શરૂ કરી શકાશે. આમ અંદાજે 4 મહીના બાદ ફરી એકવાર જીમ ખુલશે. 

અનલોક 3 ની ગાઈડલાઈન જાહેર

• નિયમો સાથે સ્વતંત્રતા દિવસની ઉજવણી
• 5 ઓગસ્ટથી યોગા સેન્ટર ખુલશે
• 1 ઓગસ્ટથી રાત્રી કરફ્યૂ હટી જશે
• માસ્ક પહેરવુ હજુ પણ ફરજીયાત
• જાહેર કાર્યક્રમો પર પ્રતિબંધ યથાવત્
• કોચિંગ ઈન્સ્ટિટ્યૂટ બંધ રહેશે
• કન્ટેઈનમેન્ટ ઝોનમાં લોકડાઉનનો સખ્ત અમલ
• વંદે ભારત મિશન હેઠળ પ્રવાસીઓને છૂટ