પરિણામ / ગુજરાત યુનિવર્સિટીની સિન્ડિકેટ ચૂંટણીમાં કોંગ્રેસ-ભાજપને કેટલી બેઠકો પર મળી જીત?

ગુજરાત યુનિવર્સિટી સિન્ડિકેટની ચૂંટણી માટે મતદાન પૂર્ણ થયું છે. જેનું પરિણામ આવી ચૂક્યું છે, જેમાં ઇન્દ્રવિજય સિંહ ગોહિલની જીત થઇ છે. 50 ટકા કરતા વધુ મતોથી તેઓ વિજેતા થયા છે. આમ એક બેઠક કોંગ્રેસના ફાળે ગઇ છે.

તેમજ અન્ય બે બેઠક પર ભાજપનો વિજય થયો છે. સિન્ડીકેટની 3 બેઠકો માટે મતદાન યોજાયું હતું. 3 બેઠકો માટે 6 ઉમેદવારો મેદાને હતા. 103 મતદારોએ મતાધિકારીનો ઉપયોગ કર્યો છે.

બે બેઠક પર ભાજપ જેમાં ધ્રૂમિલ પટેલ અને કૌશિક જૈનનો વિજય થયો છે. જ્યારે એક બેઠક પર કોંગ્રેસ સમર્થિત ઉમેદવાર ઇન્દ્રવિજયસિંહ ગોહિલની જીત થઇ છે.

મહત્વનું છે કે કુલ 13 બેઠકોમાંથી 10 બેઠકો બિનહરીફ થઇ હતી. જ્યારે 3 બેઠકો પર ચૂંટણી યોજાઇ હતી. આ ત્રણ બેઠક પર 6 ઉમેદવાર મેદાને હતા. જેમાં 4 ઉમેદવાર ભાજપના સમર્થક અને બે ઉમેદવાર કોંગ્રેસના સમર્થક હતા.