રાજ્યમાં કોરોના વાયરસને કારણે લૉકડાઉન લાગુ કરવામાં આવ્યું છે. ત્યારે રાજ્યમાં શાળા-કોલેજ પણ બંધ છે. જો કે, કેન્દ્ર સરકારે જાહેર કરેલ ગાઇડલાઇન પ્રમાણે રાજ્યની સ્થિતિ પ્રમાણે સરકારે શાળા-કોલેજ શરૂ કરવા અંગે નિર્ણય લઇ શકે છે ત્યારે આજરોજ ગુજરાત યુનિવર્સિટી દ્વારા આગામી જુલાઇ માસમાં લેવાનારી પરીક્ષાની સંભવિત તારીખો જાહેર કરવામાં આવી છે.
ગુજરાત યુનિવર્સિટીની પરીક્ષાને લઇને મહત્વનો નિર્ણય
2 જુલાઇથી વિવિધ કોર્ષના સેમેસ્ટરની પરીક્ષાનો થશે પ્રારંભ
ઉલ્લેખનીય છે કે, આજરોજ મળેલી એકેડેમિક કાઉન્સિલ અને એક્ઝિક્યૂટિવ કાઉન્સિલમાં સર્વાનુમતે કરવામાં આવેલા ઠરાવમાં વિદ્યાર્થીઓની પરીક્ષાને લઇને નિર્ણય લેવામાં આવ્યો છે. યુનિવર્સિટીએ જાહેર કરેલી સંભવિત તારીખો પ્રમાણે 2 જુલાઇથી વિવિધ કોર્ષના સેમેસ્ટરની પરીક્ષાનો પ્રારંભ થશે.
ક્યારે યોજાશે પરીક્ષા
આપને જણાવી દઇએ કે, ઓછા વિદ્યાર્થી ધરાવતી વિદ્યાશાખાની પરીક્ષા આગામી 2 જુલાઈથી શરૂ કરવામાં આવશે ત્યારે વધારે વિદ્યાર્થીઓ ધરાવતી વિદ્યાશાખાની પરીક્ષા આગામી 13મી જુલાઈથી લેવાનો નિર્ણય કરવામાં આવશે.
ગુજરાત યુનિવર્સિટી સિન્ડિકેટ અને એકેડેમિક કાઉન્સિલ સભ્યોની યોજાયેલી બેઠકમાં લેવાયો મહત્વનો નિર્ણય, યુનિ.ની પ્રથમ તબક્કાની પરીક્ષા 2 જુલાઈ અને બીજા તબક્કાની પરીક્ષા 13 જુલાઈથી થશે શરૂ#GujaratUniversity#Gujaratpic.twitter.com/u9ylMSqQZv
— VTV Gujarati News and Beyond (@VtvGujarati) June 4, 2020
પરીક્ષા માટે 2 કલાકનો સમયગાળો રહેશે
સાથે જ નિયમ અંગે પણ જાહેરાત કરાઇ છે કે, એક બ્લોકમાં 30ના બદલે 15 વિદ્યાર્થી જ પરીક્ષા આપશે. પરીક્ષા માટે જિલ્લા કક્ષાએ કેન્દ્રો ફાળવવામાં આવશે. આ સાથે જ પરીક્ષા માટે 2 કલાકનો સમયગાળો રહેશે.
કેવું હશે સવાલોનું માળખું ?
પરીક્ષા માટે 2 કલાકનો સમયગાળો વિદ્યાર્થીઓને આપવામાં આવશે. આ સાથે જ પ્રશ્નપત્રમાં વર્ણતાત્મક પ્રકારનાં સવાલોનું માળખું રહેશે. તો અલગ-અલગ ફેકલ્ટી પ્રમાણે પ્રશ્નપત્રમાં 4 કે 5 વિકલ્પ આપવામાં આવશે. આ વિકલ્પમાંથી વિદ્યાર્થીઓએ કોઈપણ 3 લખવાના ફરજીયાત રહેશે.