ગુજરાત યુનિવર્સિટીમાં આજથી બીજા તબક્કાની પરીક્ષાનો પ્રારંભ થયો છે. પ્રથમ તબક્કામાં 21,008 વિદ્યાર્થીઓ પરીક્ષા આપી હતી. જ્યારે બીજા તબક્કામાં 50 હજાર વિદ્યાર્થીઓ પરીક્ષા આપશે. જેમાં 30 જિલ્લાના 100થી વધારે સેન્ટર પર પરીક્ષાનું આયોજન કરવામાં આવ્યું છે.
આજથી ગુજરાત યુનિ.ની બીજા તબક્કાની પરીક્ષા
બીજા તબક્કામાં 50 હજાર વિદ્યાર્થીઓ આપશે પરીક્ષા
30 જિલ્લાના 100થી પણ વધારે સેન્ટર પર પરીક્ષા
રાજ્યમાં કોરોના સંકટ વચ્ચે આજથી ગુજરાત યુનિવર્સિટીની બીજા તબક્કાની પરીક્ષાનો પ્રારંભ થઇ રહ્યો છે. બીજા તબક્કામાં અંદાજે 50 હજાર વિદ્યાર્થીઓ પરીક્ષા આપશે. આ સાથે 30 જિલ્લાના 100થી વધારે સેન્ટર પર પરીક્ષાનો પ્રારંભ થઇ રહ્યો છે.
ગુજરાત યુનિવર્સિટીની પરીક્ષા માટે સોશિયલ ડિસ્ટન્સ માટે પ્રથમવાર શાળાઓમાં પરીક્ષાનું સેન્ટર આપવામાં આવ્યું છે. અમદાવાદ શહેરની 5 શાળાઓમાં કોલેજની પરીક્ષા લેવામાં આવશે.
ઉલ્લેખનીય છે આ અગાઉ પ્રથમ તબક્કાની ઓફલાઇન પરીક્ષામાં 21,008 વિદ્યાર્થીઓએ પરીક્ષા આપી હતી. જેમાં એક બેંચ પર એક વિદ્યાર્થી માટે બેઠક વ્યવસ્થા ગોઠવવામાં આવી હતી. યુનિવર્સિટીની પરીક્ષાનું આયોજન કોવિડની ગાઇડલાઇન મુજબ કરવામાં આવ્યું હતું.