વિદેશની જેમ ગુજરાત યુનિવર્સિટીમાં પોસ્ટ ગ્રેજ્યુએટ વિદ્યાર્થીઑ માટે ઓન ડિમાન્ડ પરીક્ષાનો વિક્લ્પ અપાશે
ગુજરાત યુનિવર્સિટીની PG વિદ્યાર્થીઓ માટે મોટી જાહેરાત
PGના વિદ્યાર્થીઓ પોતાની અનુકૂળતાએ ઓનલાઈન પરીક્ષા આપી શકશે
પોસ્ટ ગ્રેજ્યુએટ વિદ્યાર્થીને થશે હાશકારો
કોરોનાકાળમાં દેશ અને દુનિયામાં બ્રેક લાગી ગઈ હતી બંધુ જ બંધ થઇ ગયું હતું. પણ હવે શિક્ષણ શાળા અને કોલેજો ફરી પાટે ચડી રહી છે. કોરોના કાળમાં ઘણી એવી પરીક્ષાઓ જે ઓનલાઈન લેવાઈ હતી પણ વિદ્યાર્થીઑના અનુકૂળતાના અભાવે કેટલાય વિદ્યાર્થી એક્ઝામથી વંચિત રહી જતાં હતા. ત્યારે હવે પોસ્ટ ગ્રેજ્યુએટ વિદ્યાર્થીઑ માટે ગુજરાત યુનિવર્સિટીએ મહત્વનો નિર્ણય લીધો છે.
PGના વિદ્યાર્થીઓ પોતાની અનુકૂળતાએ ઓનલાઈન પરીક્ષા આપી શકશે
ગુજરાત યુનિવર્સિટી દ્વારા પોસ્ટ ગ્રેજ્યુએટ વિદ્યાર્થીઑ માટે માટે મોટી જાહેરાત કરવામાં આવી છે. હવે PGના વિદ્યાર્થીઓ હવે ઓન ડિમાન્ડ ઓનલાઈન પરીક્ષા આપી શકશે. એટલે કે વિદ્યાર્થીઓ પોતાની અનુકૂળતાએ યુનિવર્સિટીએ આપેલા સમયગાળામાં તે પોતાની રીતે ગમે ત્યારે પરીક્ષા આપી શકશે. પહેલા ઓનલાઈન પરીક્ષા પણ એકી સાથે લેવાતી હતી. પણ પોસ્ટ ગ્રેજ્યુએટ થયેલા વિદ્યાર્થીઓની માગણી હતી કે ઓન ડિમાન્ડ ઓનલાઈન પરીક્ષા માટે વિકલ્પ આપવામાં આવે ત્યારે હવે વિદેશની જેમ ગુજ. યુનિ.ના આ નિર્ણયથી મોટી રાહત મળશે.
પ્રવેશમાં ગોકળગાયની સ્થિતિ મોંઘી પડી
દિવાળી બાદ પણ ગુજરાત યુનિવર્સિટીમાં પ્રવેશ પ્રક્રિયા ચાલુ થઇ ગઈ છે. બીજા સત્રની શરૂઆત છતાં પ્રથમ વર્ષના વિદ્યાર્થીઓ કોલેજ પહોંચ્યા નથી. પ્રથમ વર્ષના વિદ્યાર્થીઓની પ્રવેશ પ્રક્રિયા 2 મહિનાથી ચાલી રહી છે પણ પ્રવેશ પ્રક્રિયા 2 મહિનાથી ચાલી રહી હોવાથી વિદ્યાર્થીઑ ખાનગી કોલેજોમાં પ્રવેશ મેળવવા લાગ્યા છે. ગુજ યુનિમાં BA ની 15900 બેઠક સામે 8300 બેઠક ખાલી છે. જ્યારે MAમાં 3500 સામે 2638 બેઠકો, BCOMમાં 40 હજાર બેઠકો સામે 8 હજાર બેઠકો, BSCમાં પણ 14 હાજર બેઠક સામે 6 હજાર બેઠકો ખાલી પડી છે. મહત્વનું છે કે ખાનગી યુનિવર્સીટીમાં 2 મહિનાથી શૈક્ષણિક કાર્ય ચાલુ થઈ ગયું છે જ્યારે ગુજ યુનિ. ગતિ ગોકળ ગાય જેવી જ છે પણ આજે PG વિદ્યાર્થીઓ માટે કરેલી જાહેરાતથી હવે વિદ્યાર્થીને ગમે ત્યારે ઓનલાઈન પરીક્ષા આપી શકશે.