અમદાવાદ / ગુજરાત યુનિવર્સીટીમાં પારાવાર ગંદકી; વિદેશી વિદ્યાર્થીઓના ચોંકાવનારા નિવેદનથી ખળભળાટ

• પીવાની પાણીની ચોખ્ખાઈ અંગે અને હોસ્ટેલની સ્વચ્છતા અંગે વારંવાર લેખિતમાં ફરિયાદો કરી છે; વિદેશી વિદ્યાર્થીનો દાવો 
• કિચન અતિશય ખરાબ સ્થિતિમાં; વિદેશી વિદ્યાર્થીનો આક્ષેપ

GUએ 2019-20માં 127 વિદેશી વિદ્યાર્થીઓને પ્રવેશ આપ્યો હતો જેમાંથી 100 પુરુષ વિદ્યાર્થીઓ છે. આ વિદ્યાર્થીઓ શ્રીલંકા, અફઘાનિસ્તાન, બાંગ્લાદેશ, ફીજી, નેપાળ, સાઉથ આફ્રિકા, કેન્યા, સુદાન અને યુગાન્ડા જેવા દેશોમાંથી આવે છે. તેઓ અહીં પત્રકારત્વ, BBA MBA, BCA, MCA અને ડોક્ટરેટ ડિગ્રીનો કોર્સ કરે છે. 

અહીં ભણતા યુગાન્ડાના એક વિદ્યાર્થીએ નામ ન આપવાની શરતે માહિતી આપી હતી કે તે છેલ્લા દોઢ વર્ષથી હોસ્ટેલમાં રહે છે. તેણે Indian Council for Cultural Relations (ICCR) અને Study Abroad Programme (SAP)ને GUમાં હોસ્ટેલમાં પીવાની પાણીની ચોખ્ખાઈ અંગે અને હોસ્ટેલની સ્વચ્છતા અંગે વારંવાર લેખિતમાં ફરિયાદો કરી છે. 

અહીં ભણતા શ્રીલંકાના વિદ્યાર્થીએ ICCRના નિયમો મુજબ સુવ્યવસ્થિત રસોડું હોવું ફરજીયાત છે. પરંતુ અહીં કિચન અતિશય ખરાબ સ્થિતિમાં છે. 

આ અંગે ICCRના અધિકારીએ પ્રતિક્રિયા આપી છે કે કાઉન્સિલે મોટી સંખ્યામાં ફરિયાદો નોંધી છે. આ અંગે યુનિવર્સીટીના સત્તાધિશોને જાણ કરાઈ છે અને તેઓ સુધારા માટે હકારાત્મક છે. 

જો કે યુનિવર્સીટીના ઇન્ટરનેશનલ સ્ટુડન્ટ એડવાઈઝરે કહ્યું કે છેલ્લા 2 મહિનામાં વિદેશી વિદ્યાર્થીઓ તરફથી આવી કોઈ ફરિયાદ મળી નથી અને તમામ સુવિધાઓ અને સ્વચ્છતા સુવ્યવસ્થિત છે. 

નોંધ : માહિતી અને ફોટો (TImes of India)