નિર્ણય / ગુજરાત યુનિવર્સિટીની મોકૂફ પરીક્ષાની તારીખો જાહેર કરાઇ, 21 ડિસેમ્બર પહેલા કરવું પડશે આ કામ

• ગુજરાત યુનિવર્સિટીની મોકૂફ પરીક્ષાની તારીખો જાહેર ​
• રાજ્યના 45 શહેરોમાં પરીક્ષાઓ યોજવાનું આયોજન 
• 21 ડિસેમ્બર સુધી પરીક્ષા સેન્ટરની ઓનલાઇન પસંદગી કરવી પડશે 

કોરોનાની સ્થિતિને ધ્યાને રાખીને અગાઉ ગુજરાત યુનિવર્સિટીએ પરીક્ષા મોકૂફ રાખી હતી ત્યારે હવે આ પરીક્ષાની તારીખો જાહેર કરવામાં આવી છે. UG અને PGના સેમેસ્ટર 3-5ની પરીક્ષા બે તબક્કામાં યોજાશે. પ્રથમ તબક્કાની પરીક્ષા 29મી ડિસેમ્બરથી શરૂ થશે. બીજા તબક્કાની પરીક્ષા 7મી જાન્યુઆરીથી શરૂ થશે.

કોરોનાને ધ્યાનમાં રાખી જિલ્લા સેન્ટરો પર પરીક્ષા લેવાશે

ગુજરાત યુનિ.ની પરીક્ષા યોજવાનું આયોજન કરવામાં આવ્યું છે. ત્યારે કોવિડ-19ની સ્થિતિને ધ્યાનમાં રાખીને ગુજરાત યુનિવર્સિટીએ વિદ્યાર્થીને રહેણાંકની આજુબાજુમાં જ પરીક્ષા સેન્ટર મળે એવું આયોજન કર્યું છે. તમામ જિલ્લામાં પરીક્ષા સેન્ટરોની વ્યવસ્થા કરાઈ છે. 45 સેન્ટરો પર ગુજરાત યુનિવર્સીટીની પરીક્ષા યોજાશે.

21 ડિસેમ્બર સુધી પરીક્ષા સેન્ટરની ઓનલાઇન પસંદગી કરવી પડશે

પોતાના વિસ્તારમાં પરીક્ષા આપવા માંગતા વિદ્યાર્થીઓએ ઓનલાઇન ચોઇસ ફીલિંગ કરવું પડશે. 21 ડિસેમ્બર સુધી પરીક્ષા સેન્ટરની ઓનલાઇન પસંદગી કરવી પડશે. પરીક્ષા સેન્ટરની પસંદગી ન કરનારને યુનિવર્સિટી જણાવે ત્યાં પરીક્ષા આપવી પડશે. વિદ્યાર્થીએ પસંદ કરેલા કેન્દ્ર પર પૂરતા વિદ્યાર્થીઓ નહીં હોય તો પણ કેન્દ્ર બદલાશે. આ પરીક્ષાનું આયોજન જાન્યુઆરી 2021માં થઇ શકે છે.

તમામ જિલ્લામાં સેન્ટર આપી પરીક્ષા લેવા માંગ કરાઇ હતી

મહત્વનું છે કે, આજરોજ NSUI અને ગુજરાત યુનિવર્સિટી શૈક્ષિક સંઘ દ્વારા ગુજરાત યુનિ.ની પરીક્ષા તમામ 33 જિલ્લામાં લેવા માંગ કરવામાં આવી હતી. કોરોનામાં વિદ્યાર્થીઓ અમદાવાદમાં આવી શકે એવી સ્થિતિમાં ન હોવાથી વિદ્યાર્થીના રહેણાંક વિસ્તારના સેન્ટર પર પરીક્ષાનું આયોજન કરવામાં આવી તેવી માંગ હતી. ત્યારે હવે યુનિવર્સિટીએ પણ કોરોનાની ગંભીરતા જોઇને રાજ્યના 45 શહેરોમાં પરીક્ષા યોજવાનો નિર્ણય કર્યો છે.