એક તરફ ગુજરાતમાં કોરોના વાયરસની મહામારી કહેર યથાવત જોવા મળી રહ્યો છે. ત્યારે દેશભરમાં કોરોનાને લઇને જાહેર કરાયેલા લોકડાઉન બાદ અનલોક દ્વારા અનેક વસ્તુઓમાં છૂટછાટ આપવામાં આવી રહી છે. ત્યારે અમદાવાદમાં લોકડાઉન બાદ RTO કચેરીમાં 12 હજાર જેટલી RC બુક પેન્ડિંગ પડી રહી છે. એક તરફ સરકાર દ્વારા 1લી ઓક્ટોબરથી ટ્રાફિકને લઇને નવા નિયમો અમલમાં મુકવામાં આવી રહ્યાં છે ત્યારે બીજી તરફ RTOમાં પડી રહેલી RC બુક હજુ સુધી વાહનચાલકો મળી રહી નથી.
રાજ્યની RTOમાં 12 હજાર જેટલી RC બુક પેન્ડિંગ
વાહનચાલકો જોઈ રહ્યા છે RC બુકની રાહ
લોકડાઉન બાદ કોઈને નથી મળી RC બુક
રાજ્યમાં કોરોના વાયરસના કહેર વચ્ચે જાહેર કરાયેલા લોકડાઉન બાદ પરિસ્થિતિ ધીરે-ધીરે થાળે પડતી જોવા મળી રહી છે. જો કે રાજ્યની RTO કચેરી હજુ પણ લોકડાઉનમાં હોય તેવું લાગી રહ્યું છે.
લોકડાઉન બાદ રાજ્યની અનેક RTO કચેરીમાં હજુ પણ RC બુક પેન્ડિંગ પડી રહેલી જોવા મળી રહી છે. આમ રાજ્યમાં ઘણા વાહનચાલકો RC બુકની રાહ જોઇ રહ્યાં છે. લોકડાઉન બાદ કોઇને RC બુક મળી નથી.
આમ પ્રાપ્ત મળતી વિગત અનુસાર માર્ચ મહીના બાદથી વાહનધારકોને RC બુક મળી નથી. જેને લઇને વાહનચાલકો દ્વારા સુભાષબ્રીજ, વસ્ત્રાલમાં RC બુક પેન્ડિંગ હોવાની ફરિયાદ કરવામાં આવી રહી છે.