ભારત અને અફઘાનિસ્તાન વચ્ચે 997.58 મિલિયનની આયાત-નિકાસ થાય છે. જેમાં મોટા ભાગના ગુજરાતી વેપારીઓ અફઘાન સાથે વેપાર કરે છે
અફઘાનમાં તાલિબાનરાજ
ગુજરાતના વેપારીઓ ચિંતામાં
અફઘાનમાં થાય છે કરોડોનો વેપાર
અફઘાનિસ્તાનની સ્થિતિને લઈને ગુજરાતના વેપારીઓ ચિંતામાં છે. અફઘાનિસ્તાનના વેપારીઓ સાથે ગુજરાત વેપારી એસોસિએશનની વીડિયો કોન્ફરન્સથી વાતચીત થઇ રહી છે
997.58 મિલિયનની આયાત-નિકાસ લટકી પડી
અફઘાનિસ્તાન સાથેનો બેંક વ્યવહાર બંધ હોવાથી ભારતનું કરોડો રૂપિયાનું રોકાણ ફસાયું છે. અને વેપારીઓ તાલિબાનોના ડરથી ખોટું બોલી રહ્યા છે. ભારત અને અફઘાનિસ્તાન વચ્ચે 997.58 મિલિયનની આયાત-નિકાસ થાય છે. જેમાં ભારત દ્વારા 529.84 મિલિયન જેટલી આયાત અફઘાનિસ્તાન પાસેથી થાય છે જે હાલ સાવ બંધ થઈ છે જેની ભારતના માર્કેટ પર મોટી અસર પડે તેમ છે. જેથી ગુજરાતના મોટા વેપારીઓ સીધા જ અફઘાનના વેપારીઓ સાથે વેપાર કરે છે. જે કારણથી ગુજરાતના વેપારીઓને ચિંતા સાંપડી છે. સાથે બેક વ્યવહાર બંધ થવાથી કરોડો રૂપિયા સલવાઈ જતાં વેપારી રોજ અફઘાન વેપારીને ફોન કરી રહ્યા છે
આ વસ્તુના ભાવ આસમાન આંબશે
અફઘાનિસ્તાનથી બદામ, ડ્રાયફ્રૂટ્સ, હિંગ, કાળી દ્રાક્ષ ભારત સહિત ગુજરાતમાં મોટા પાયે આવે છે. જે તાલિબાન રાજ આવતા તમામ વસ્તુઓની આયાત અટકી પડી છે. હાલ ગુજરાતના વેપારીઓ સતત વીડિયો કોન્ફરન્સથી અફઘાનિસ્તાન વેપારીઓના સંપર્કમાં છે. ત્યારે અફઘાનિસ્તાનના વેપારીએ કહ્યું કે જનજીવન સામાન્ય બનતા વધુ સમય લાગી શકે છે. અફઘાન વેપારી પાસેથી મળેલા આ જવાબથી ગુજરાતના વેપારીના શ્વાસ અધ્ધર થયા છે. બદામ, ડ્રાયફ્રૂટ્સ, હિંગ, કાળી દ્રાક્ષ ભાવો નજીકના ભવિષ્યમાં આસમાન આબશે તેવી ભીતિ સેવાઇ રહી છે. અફઘાનિસ્તાનમાં સ્થિતિ ઝડપથી સામાન્ય થાય તેવી ગુજરાતના વેપારીઓ ઈચ્છા વ્યકત કરી રહ્યા છે.
હાલમાં અફઘાનિસ્તાનમાં શું ચાલી રહ્યું છે?
તાલિબાને અફઘાનિસ્તાનમાં મહિલા ન્યૂઝ એન્કર પર પ્રતિબંધ મૂક્યો છે. તાલિબાને અફઘાનિસ્તાનની સરકારી ટીવી ચેનલ ખાદીજા અમીનને હટાવીને તેના લોકો સાથે એન્કરિંગ શરૂ કર્યું છે. તે જ સમયે, બલ્ખ પ્રાંતના ગવર્નર સલીમા મઝારીને બંધક બનાવવામાં આવ્યા છે. તેઓ તાલિબાનની વિરુદ્ધ છે અને તેઓએ તાલિબાન સામે લડવા માટે હથિયારો પણ લીધા હતા.મહિલાઓના અધિકારો અંગે તાલિબાનની વાસ્તવિકતા 24 કલાકમાં સામે આવી છે. તાલિબાને મંગળવારે કહ્યું કે મહિલાઓને આઝાદી આપવામાં આવશે અને તેમના અધિકારીઓને સુરક્ષા આપવામાં આવશે. આ સાથે મહિલાઓને પણ સરકારમાં જોડાવા માટે અપીલ કરવામાં આવી હતી. પછી હાલ અફઘાનિસ્તાનમાં મહિલા ન્યૂઝ એન્કર પર પ્રતિબંધ મૂક્યો છે
તાલિબાનની નીતિ અસ્પષ્ટ છે
તાલિબાનની નીતિઓ સ્પષ્ટ ન હોવાની સાબિતી પૂરે છે ત્યારે અસ્પષ્ટ નીતિઓ સાથે કોઈ દેશ સાથે વેપાર કરવો પણ મુશ્કેલ બને એમ છે ત્યારે જ્યાં સુધી તાલિબાન તરફથી આયાત નિકાસ અંગે કોઈ ફેસલો લેવામાં ન આવે ત્યાં સુધી વેપાર ચાલુ થાય તેવી વકી નથી. હાથ અફઘાન વેપારીઓ ડરના ઓથાળ હેઠળ કામ ધંધો બંધ કરી બેઠા છે.